အသက် ၇၉ နှစ်မှာ သားသမီးထပ်မံထွန်းကားလာတဲ့ သရုပ်ဆောင် Robert DeNiro

အသက် ၇၉ နှစ်မှာ သားသမီးထပ်မံထွန်းကားလာတဲ့ သရုပ်ဆောင် Robert DeNiro

မေ ၁၀၊ ၂၀၂၃။

◼ ဟောလိဝုဒ်ရဲ့ အထင်ကရသရုပ်ဆောင်တစ်ယောက်ဖြစ်တဲ့ Robert DeNiro ဟာ အသက် ၇၉ နှစ်အရွယ်မှာ နောက်ထပ် ၇ ယောက်မြောက် သားသမီးရတနာထပ်မံထွန်းကားလာပြီဖြစ်ပါတယ်။

◼ Robert DeNiro ဟာ ၇ ယောက်မြောက်ရင်သွေးလေးကိုရရှိနေပြီဖြစ်ကြောင်းကို ET Canada သတင်းဌာနနဲ့ သီးသန့်အင်တာဗျူးတစ်ခုမှာ အတည်ပြုလာခဲ့တာဖြစ်ပါတယ်။

◼ Robert DeNiro ရဲ့ရုပ်ရှင်သစ် About My Father နဲ့ ပတ်သက်တဲ့ အဆိုပါအင်တာဗျူးမှာ မေးမြန်းသူက ကလေးခြောက်ယောက်ရဲ့အဖေဖြစ်ရတဲ့ခံစားချက်ကိုပြောပြပေးဖို့မေးလာချိန်မှာ Robert DeNiro က "၇ ယောက်ဗျ။ ခုမှတစ်ယောက်ထပ်ရထားတာ" လို့ တုံ့ပြန်ဖြေလာခဲ့တာပါ။

◼ Robert DeNiro ဟာ ၎င်းရဲ့ယခင်အိမ်ထောင်သုံးခုနဲ့ သားသမီးခြောက်ယောက်ရရှိခဲ့တာဖြစ်ပြီး ယခု ခုနစ်ယောက်မြောက်ကလေးရဲ့မိခင်ကိုတော့ ပြောပြလာခြင်းမရှိခဲ့ပါဘူး။

◼ ဝါရင့်သရုပ်ဆောင် Robert DeNiro ဟာ The Godfather Part II နဲ့ Raging Bull ရုပ်ရှင်တွေနဲ့ အော်စကာဆုနှစ်ဆုကိုရရှိခဲ့ပါတယ်။ လက်ရှိမှာ Robert DeNiro ဟာ ကိုယ်ခံပညာဆိုင်ရာနည်းပြတစ်ဦးဖြစ်သူ Tiffany Chen နဲ့ တွဲနေကြောင်း People သတင်းအရသိရှိရပါတယ်။

Ref: BBC

Sub-Zero ရေးသည်။