နောက်ထပ် sequel ထွက်ရှိလာမယ့် Nicolas Cage ရဲ့ Lord of War
မေ ၈၊ ၂၀၂၃။
◼ ဒါရိုက်တာ Andrew Niccol ရိုက်ကူးပြီး သရုပ်ဆောင် Nicolas Cage အဓိကပါဝင်ထားတဲ့ ၂၀၀၅ ရုပ်ရှင် Lord of War ဟာ စစ်ပွဲရုပ်ရှင်တွေကြားမှာရေပန်းစားခဲ့တဲ့ ရုပ်ရှင်တစ်ကားဖြစ်ပါတယ်။
◼ Nicolas Cage ပရိသတ်တွေအတွက် ဝမ်းသာစရာကတော့ Lord of War ဟာ နောက်ထပ် sequel တစ်ကား ထပ်မံထွက်ရှိလာဦးမှာဖြစ်ပါတယ်။
◼ Lord of War 2 ကို ဒါရိုက်တာ Andrew Niccol ကပဲ ဆက်လက်ရိုက်ကူးမှာဖြစ်ပြီး Nicolas Cage ကို လက်နက်ပွဲစား Yuri Orlov အနေနဲ့ ဆက်လက်တွေ့မြင်ရမှာဖြစ်သလို It နဲ့ John Wick: Chapter 4 သရုပ်ဆောင် Bill Skarsgård ကိုလည်း Yuri Orlov ရဲ့ သားဖြစ်သူ Anton အဖြစ် မြင်တွေ့ရမှာဖြစ်ကြောင်း Deadline သတင်းအရသိရှိရပါတယ်။ Lord of War 2 ကို မူရင်းထုတ်လုပ်ရေးကုမ္ပဏီ Vendôme Pictures နဲ့ အတူ Nicolas Cage ရဲ့ Saturn Films တို့က ပူးပေါင်းထုတ်လုပ်ကာ CAA Media Finance နဲ့ FilmNation Entertainment တို့က ဖြန့်ချိသွားမှာဖြစ်ပါတယ်။
◼ Lord of War 2 မှာ Anton ဟာ ကိုယ်တိုင်လက်နက်ပွဲစားဖြစ်သလို အမေရိကန်ရဲ့အရှေ့အလယ်ပိုင်းအရေးကိစ္စမှာ ၎င်းကိုယ်တိုင်ပါဝင်တိုက်ခိုက်ဖို့အတွက် ကြေးစားစစ်သားများစုဆောင်းရာကနေတစ်ဆင့် အဖေနဲ့သားအကြား အပြိုင်အဆိုင်တွေဖြစ်ပေါ်လာပုံကိုကြည့်ရှုရမှာပါ။
◼ Lord of War 2 အကြောင်းကို လာမယ့် ကိန်းစ်ရုပ်ရှင်ပွဲတော်မှာ မိတ်ဆက်သွားမှာဖြစ်ပြီး ၂၀၂၃ နှစ်နှောင်းပိုင်းလောက်မှာရိုက်ကူးရေးစတင်သွားဖွယ်ရှိပါတယ်။
Ref: Variety
McGarrett ရေးသည်။
0 Comments