Batman ရုပ်ရှင်ကို အမျိုးသမီးဒါရိုက်တာနဲ့ရိုက်စေချင်တဲ့ ဒါရိုက်တာ James Cameron

Batman ရုပ်ရှင်ကို အမျိုးသမီးဒါရိုက်တာနဲ့ရိုက်စေချင်တဲ့ ဒါရိုက်တာ James Cameron

ဖေဖော်ဝါရီ ၂၁၊ ၂၀၂၃။

◼ Superhero ရုပ်ရှင်တော်တော်များများမှာ အမျိုးသမီးဒါရိုက်တာနဲ့ပတ်သက်ရင် ခွဲခြားခွဲခြားဆက်ဆံမှုတွေဟာ ဒီကနေ့အထိရှိနေလျက်ရှိပါတယ်။

◼ အဓိကကတော့ အမျိုးသမီးဒါရိုက်တာတွေဟာ Superhero ရုပ်ရှင်ရိုက်တဲ့အခါ ကြမ်းသင့်တာထက် မကြမ်းမှာကို စိုးရိမ်လွန်းတာကြောင့် စတူဒီယိုအများစုက ပေးမရိုက်ကြတာတွေလည်းရှိပါတယ်။

◼ ဒါပေမယ့် ၂၀၁၇ ခုနှစ်ကထွက်ရှိခဲ့တဲ့ DC ရုပ်ရှင် Wonder Women ရဲ့ ဒါရိုက်တာ Patty Jenkins ကတော့ Wonder Woman ကို Superhero နဲ့ ရော အမျိုးသမီးထုကြီးပါ သဘောကျ အားကျလောက်ရတဲ့အထိ ရိုက်ပြသွားခဲ့ပါတယ်။

◼ အဲဒီအဖြစ်အပျက်ကို အကိုးအကားပြုပြီး ဒါရိုက်တာ James Cameron က Time မဂ္ဂဇင်း နဲ့ အင်တာဗျုးတစ်ခုမှာ အမျိုးသားများထက် အမျိုးသမီးဒါရိုက်တာတွေကို Superhero ရုပ်ရှင်တွေမှာ ပိုပြီးနေရာပေးကာ ဦးဆောင်စေသင့်ကြောင်း အကြံပြုပြောလာပါတယ်။

◼ ဒါ့အပြင် James Cameron ရဲ့ ဇနီးဟောင်းတစ်ယောက်ဖြစ်သူ “Kathryn Bigelow” ကိုလည်း စတူဒီယိုတစ်ခုက Superhero ရုပ်ရှင်တစ်ကား လာအပ်ပေမယ့် သူ(မ)ရဲ့ ကျန်းမာရေး အခြေအနေအရ ပယ်ချခဲ့တယ်လို့အဲဒီအင်တာဗျူးမှာပြောခဲ့ပါတယ်။

◼ သူ(မ)ကိုလည်း Super Hero တစ်ကားလောက်ရိုက်ဖူးစေချင်ကြောင်း၊ သူ(မ)ရဲ့ ဘဝ အတွက်လိုအပ်ကြောင်း James Cameron ကိုယ်တိုင်ပြောလာခဲ့ပါသေးတယ်။

◼ ဒါ့အပြင် အမျိုးသမီးတွေကို ဘာလို့ အမျိုးသား Superhero ရုပ်ရှင်တွေကို မရိုက်ခိုင်းတာလဲ၊ Batman ဇာတ်ကားကိုလည်း အမျိုးသမီးတစ်ဦးနဲ့ ရိုက်ပြခိုင်းပါလို့လည်း James Cameron က အဲဒီအင်တာဗျူးမှာ မှတ်ချက်ပေးပြောထားခဲ့ပါတယ်။

◼ Batman ရုပ်ရှင်အားလုံးကို အမျိုးသားဒါရိုက်တာတွေကပဲရိုက်ကူးခဲ့တာဖြစ်တဲ့အတွက် ဇာတ်လမ်းအရနဲ့တင်ဆက်ပုံအရ အပြောင်းအလဲတစ်ခုဖြစ်လာအောင် James Cameron က ဒီလိုအကြံပြုလာပုံပါပဲ။ James Cameron ဟာ Tobey Maguire Spider-Man သုံးကားတွဲနဲ့ပတ်သက်ပြီး ဒါရိုက်တာ Sam Raimi ကိုလည်း အကြုံပြုချက်တွေပေးခဲ့ပါသေးတယ်။

◼ Batman ရုပ်ရှင်တွေနဲ့ပတ်သက်ပြီး Matt Reeves ရဲ့ Batman 2 ကျန်ရှိနေမှာဖြစ်ပြီး James Gunn နဲ့ Peter Safran တို့ရဲ့ ဦးဆောင်တဲ့ DCU Universe အသစ်က The Brave and Bold Batman ဇာတ်ကားအသစ်လည်း ကျန်ရှိနေပါသေးတယ်။ ဒါပေမယ့် The Brave and the Bold အတွက် ဒါရိုက်တာ၊ ဇာတ်လမ်းနဲ့ သရုပ်ဆောင်နေရာတွေအတွက် ရွေးချယ်ထားခြင်းမရှိသေးပါဘူး။

◼ DC ရုပ်ရှင်တွေမှာ James Cameron ရဲ့အကြံပြုချက်အတိုင်း အမျိုးသမီးဒါရိုက်တာတွေကို ပေးသုံးမလား မသုံးဘူးလားဆိုတာကတော့ စိတ်ဝင်တစားစောင့်ကြည့်ရမှာပါပဲ။

John Snow ရေးသည်။