Deadpool 3 ရိုက်ကူးရေး မကြာမီစတင်တော့မည်

Deadpool 3 ရိုက်ကူးရေး မကြာမီစတင်တော့မည်

Marvel | ဖေဖော်ဝါရီ ၂၈၊ ၂၀၂၃။

◼ Marvel Cinematic Universe ထဲကို ဝင်ရောက်လာတော့မယ့် Ryan Renolds ရဲ့ သုံးကားမြောက် Deadpool ရုပ်ရှင် Deadpool 3 ဟာ မကြာခင်ကာလမှာ ရိုက်ကူးရေးစတင်သွားတော့မှာဖြစ်ပါတယ်။

◼ Films and Television Industry Alliance သတင်းအရ Deadpool 3 ကို လာမယ့် မေ ၁၊ ၂၀၂၃ မှာ Canadian City မှာ စတင်ရိုက်ကူးသွားမှာဖြစ်ကြောင်းသိရှိရပါတယ်။ Deadpool 3 ရဲ့ ရိုက်ကူးရေးကာလကတော့ ၂၀၂၃ နွေရာသီတစ်ခုလုံးအထိကြာမြင့်ဖွယ်ရှိနေပါတယ်။

◼ Deadpool 3 ကို Free Guy နဲ့ The Adam Project ဒါရိုက်တာ Shawn Levy က ရိုက်ကူးပေးမှာဖြစ်ပြီး မူရင်း Deadpool ဇာတ်လမ်းဆရာတွေဖြစ်တဲ့ Rhett Reese နဲ့ Paul Wernick တို့က ဇာတ်လမ်းရေးသားပေးသွားမှာဖြစ်ပါတယ်။

◼ Ryan Renolds ရဲ့ Deadpool 3 ကို Disney လက်အောက်ခံ 20th Century က ရိုက်ကူးသွားမှာဖြစ်ပြီး Marvel Cinematic Universe နဲ့ ချိတ်ဆက်မှုရှိတဲ့ ပထမဆုံး R-rated ရုပ်ရှင် ဖြစ်လာတာပါ။

◼ ဒါ့အပြင် Deadpool 3 မှာ သရုပ်ဆောင် Hugh Jackman ရဲ့ Wolverine ဇာတ်ကောင်ကို နောက်တစ်ကြိမ်မြင်တွေ့ရဦးမှာဖြစ်သလို The Crown ဇာတ်လမ်းတွဲကသရုပ်ဆောင် Emma Corrin လည်း ပါဝင်လာမှာဖြစ်ပါတယ်။

◼ Deadpool 3 ကို စက်တင်ဘာ ၆၊ ၂၀၂၄ မှာ ရုံတင်ပြသမှာပါ။

Ref: ComicBook 

McGarrett ရေးသည်။