Harry Potter မရိုက်ရလို့ နောင်တမရဘူးဆိုတဲ့ ဒါရိုက်တာ Steven Spielberg

Harry Potter မရိုက်ရလို့ နောင်တမရဘူးဆိုတဲ့ ဒါရိုက်တာ Steven Spielberg

ဖေဖော်ဝါရီ ၁၅၊ ၂၀၂၃။

◼ ဟောလိဝုဒ်ရဲ့အထင်ကရ ဒါရိုက်တာကြီးတစ်ယောက်ဖြစ်တဲ့ ဒါရိုက်တာ Steven Spielberg ဟာ Harry Potter franchise ရဲ့ ပထမဆုံး Harry Potter ရုပ်ရှင်ဖြစ်တဲ့ Harry Potter and the Sorcerer's Stone ကို ရိုက်ကူးဖို့ ငြင်းခဲ့တဲ့အတွက် လုံးဝနောင်တမရကြောင်း ပြောလာပါတယ်။

◼ RRR ဒါရိုက်တာ S.S. Rajmouli နဲ့ Steven Spielberg တို့ရဲ့ Reliance Entertainment Zoom Video Call မှာ Steven Spielberg က Harry Potter and the Sorcerer's Stone ဟာ သူငြင်းခဲ့တဲ့ရုပ်ရှင်ကားတွေထဲက တစ်ကားအပါအဝင်ဖြစ်ကြောင်း အခုလို ပြောလာပါတယ်။

"ကျွန်တော် ငြင်းခဲ့တဲ့ ရုပ်ရှင်တွေက အများကြီးရှိတယ်ဗျ။  Harry Potter ရိုက်ဖို့ ကျွန်တော့်ကို လာကမ်းလှမ်းတယ်။  ကျွန်တော့်မိသားစုကို တစ်နှစ်ခွဲလောက် အချိန်ပေးပြီး ကျွန်တော့် ကလေးတွေကို ပြုစုဖို့အတွက် ပထမဆုံး Harry Potter ကားကို ကျွန်တော်လက်ရှောင်လိုက်တယ်။ ကျွန်တော့်မိသားစုနဲ့အတူရှိဖို့ franchise တစ်ခုဖြစ်လာမယ့် ပထမဆုံးရုပ်ရှင်ကို ကျွန်တော်ငြင်းလိုက်တယ်ပေါ့ဗျာ။"

◼ Harry Potter and the Sorcerer's Stone နဲ့ Harry Potter and the Chamber of Secrets တို့ကို ဒါရိုက်တာ Chris Columbus က ရိုက်ကူးခဲ့တာပါ။

◼ Steven Spielberg ရဲ့ ရုပ်ရှင်တစ်ကားဖြစ်တဲ့ The Fablesman ဟာ ၂၀၂၃ အော်စကာ ဆန်ခါတင်စာရင်း ဝင်ထားပါတယ်။

Ref: Insider Entertainment

McGarrett ရေးသည်။