Squid Game Season 2 ကို ၂၀၂၃ နွေရာသီမှာ စတင်ရိုက်ကူးသွားမယ်

Squid Game Season 2 ကို ၂၀၂၃ နွေရာသီမှာ စတင်ရိုက်ကူးသွားမယ်

K-Drama | ဖေဖော်ဝါရီ ၁၅၊ ၂၀၂၃။

(◼ Squid Game ကတော့ Season 2 အတွက် ရိုက်ကူးရေးစတင်ဖို့ပြင်ဆင်နေပြီဖြစ်ပေမယ့်လည်း Vagabond နဲ့ Kingdom ကတော့ ငြိမ်သက်နေဆဲပါပဲ။)

◼ Netflix ရဲ့ နာမည်ကျော်ကိုရီးယားဇာတ်လမ်းတွဲတစ်ခုဖြစ်တဲ့ Squid Game ဟာ Season 1 ထွက်ရှိထားပြီး ပရိသတ်အားပေးမှုကိုတခဲနက်ရရှိထားတဲ့ ဇာတ်လမ်းတွဲတစ်ခုဖြစ်ပါတယ်။

◼ Squid Game Season 2 ထပ်မံထွက်ရှိမှာဖြစ်ကြောင်းကို ၂၀၂၂ ကတည်းက အတည်ပြုထားပြီးဖြစ်ပေမယ့် ယခုအခါမှာ Squid Game သရုပ်ဆောင် Lee Jung-jae ရဲ့ အတည်ပြုချက်အရ Squid Game Season 2 ကို လာမ

ယ့် ၂၀၂၃ နွေရာသီမှာ ရိုက်ကူးရေးစတင်မှာဖြစ်ကြောင်းသိရှိရပါတယ်။

◼ Ilgan Sports နဲ့ အင်တာဗျူးမှာ Lee Jung-jae ​က Squid Game Season 2 ရဲ့ ရိုက်ကူးရေးအကြောင်းကိုအခုလိုအတည်ပြုလာပါတယ်။

"Squid Game 2 ကို နွေရာသီမှာရိုက်ကူးရေးစမှာပါ၊ ရိုက်ကူးရေးက ဆယ်လလောက်ကြာပါမယ်။ Season 1 ရိုက်တုန်းကလည်း ဆယ်လလောက်ကြာတာပဲ၊ ဒါပေမယ့်အဲတုန်းက ကိုဗစ်ကြောင့်နှောင့်နှေးရတာလေ။ ဒါပေမယ့် Season 2 ကတော့ ဇာတ်လမ်းကိုဘောင်ကျယ်ကျယ်နဲ့ပြမှာဆိုတော့ နည်းနည်းပိုကြာလိမ့်မယ်။"

◼ Squid Game ရဲ့ Season 2 ဟာ Season 1 လို မဟုတ်ပဲ လူသားဆန်မှုကိုပဲ အဓိကထားပြီးစစ်ဆေးတာမျိုးတွေပါမယ် လို့ Squid Game သရုပ်ဆောင် Lee Jung-jae က ပြောပြလာပါသေးတယ်။ ဒါ့အပြင် Squid Game Season 2 မှာ Lee Jung-jae ရဲ့ Seong Gi-hun ဇာတ်ကောင် နဲ့ Lee Byung-hun ရဲ့ Front-Man ဇာတ်ကောင်တို့ကို ပြန်တွေ့ရမှာဖြစ်ပါတယ်။

◼ Squid Game Season 2 ဟာ အခုနွေမှာရိုက်ကူးရေးစမှာဖြစ်တဲ့အတွက် ၂၀၂၃ အကုန် ဒါမှမဟုတ် ၂၀၂၄ လောက်မှာကြည့်ရှုလို့ရနိုင်မှာပါ။

Ref: CBR

Harry ရေးသည်။