Hellboy ရုပ်ရှင်သစ် ထပ်မံထုတ်လုပ်ရန် ပြင်ဆင်လျက်ရှိနေကြောင်းသိရ

Hellboy ရုပ်ရှင်သစ် ထပ်မံထုတ်လုပ်ရန် ပြင်ဆင်လျက်ရှိနေကြောင်းသိရ

ဖေဖော်ဝါရီ ၁၇၊ ၂၀၂၃။

◼ Dark Horse Comic ရဲ့ နာမည်ကြီးဇာတ်ကောင်တစ်ခုဖြစ်တဲ့ Hellboy ကို ရုပ်ရှင်ပိတ်ကားထက်မှာ တစ်ကြော့ပြန် ထပ်မံမြင်တွေ့ရတော့မှာဖြစ်ပါတယ်။

◼ Discussing Film သတင်းအရ Millienium Media ကုမ္ပဏီဟာ Hellboy ရုပ်ရှင်သစ်တစ်ကားကိုထုတ်လုပ်ရန်အတွက် ပြင်ဆင်လျက်ရှိနေပြီး အဲဒီ Hellboy ရုပ်ရှင်သစ်ဟာ Ron Pearlman ရဲ့ Hellboy နဲ့ရော၊ David Harbour ရဲ့ Hellboy နဲ့ပါ သက်ဆိုင်မှုမရှိပဲ Hellboy reboot ရုပ်ရှင်သစ်ဖြစ်လာမှာဖြစ်ကြောင်း သိရပါတယ်။ Hellboy reboot ရုပ်ရှင်သစ်ကို Hellboy: The Crooked Man လို့ နာမည်အကြမ်းပေးထားပြီး ၂၀၁၁ ဧပြီလထုတ် သုံးအုပ်တွဲ comic Hellboy: The Crooked Man ကို ကောက်နှုတ်ရိုက်ကူးသွားဖွယ်ရှိကြောင်းသိရပါတယ်။ အဲဒီ Hellboy reboot ရုပ်ရှင်သစ်ကို Marvel ရုပ်ရှင် Ghost Rider: Spirit of Vengeance ရဲ့ ဒါရိုက်တာ Brian Taylor က ရိုက်ကူးပေးသွားမှာပါ။

◼ Ron Pearlman ရဲ့ Hellboy နဲ့ Hellboy: The Golden Army တို့ဟာ အောင်မြင်မှုရခဲ့ပေမယ့်လည်း David Harbour ရဲ့ Hellboy ကတော့ ရုံတင်ငွေအရရော၊ ရုပ်ရှင်အရပါအောင်မြင်မှုမရခဲ့ပါဘူး။

Ref: The Direct

McGarrett ရေးသည်။