ရိုက်ကူးရေးပြီးဆုံးသွားပြီ ဆိုတဲ့ John Wick spin-off ရုပ်ရှင် Ballerina

ရိုက်ကူးရေးပြီးဆုံးသွားပြီ ဆိုတဲ့ John Wick spin-off ရုပ်ရှင် Ballerina

John Wick | ဖေဖော်ဝါရီ ၁၇၊ ၂၀၂၃။

◼ Lionsgate ကုမ္ပဏီဟာ John Wick franchise ကို ပိုမိုချဲ့ထွင်ဖို့ကြိုးစားနေတာဖြစ်ပြီး နောက်ထပ် John Wick: Chapter 5 အပြင် spin-off ရုပ်ရှင် Ballerina နဲ့ John Wick prequel ဇာတ်လမ်းတွဲ The Continental တို့ကိုပါ ထုတ်လုပ်သွားဦးမှာဖြစ်ပါတယ်။

◼ Ballerina မှာ မင်းသမီး Ana De Armas က အဓိကပါဝင်သရုပ်ဆောင်ထားတာဖြစ်ပြီး The Walking Dead သရုပ်ဆောင် Norman Reedus လည်း ပါဝင်ထားပါတယ်။ Ballerina ကို ၂၀၂၂ နိုဝင်ဘာလကတည်းက စတင်ရိုက်ကူးနေတာဖြစ်ပြီး ယခု ၂၀၂၃ ဖေဖော်ဝါရီလမှာ ရိုက်ကူးရေးပြီးဆုံးသွားပြီဖြစ်ကြောင်း သိရှိရပါတယ်။

◼ Ballerina ဟာ John Wick: Chapter 3 - Parabellum မှာ ပါဝင်ခဲ့တဲ့ ဘဲလေးသင်တန်းကျောင်းက အမျိုးသမီး assassin တစ်ယောက်အကြောင်းနဲ့ အဲဒီသင်တန်းကျောင်းအကြောင်းကို အဓိကပြသမှာဖြစ်ပါတယ်။ 

◼ Ballerina ကို Underworld ဒါရိုက်တာ Len Wiseman က တာဝန်ယူရိုက်ကူးထားတာဖြစ်ပြီး မူရင်း John Wick ရုပ်ရှင်တွေက သရုပ်ဆောင် Ian McShane လည်း ပါဝင်ထားပါတယ်။

◼ Ballerina ရဲ့ ပြသရက်ကိုတော့ မသိရသေးပါဘူး။

ပုံစာ - Ballerina သရုပ်ဆောင်များ (ဝဲမှယာ) Ian McShane, Ana De Armas, Norman Reedus.

Ref: A Shot Facebook Page

McGarrett ရေးသည်။