ရုံတင်ရက်သိရပြီဖြစ်တဲ့ Anyone But You ရုပ်ရှင်

ရုံတင်ရက်သိရပြီဖြစ်တဲ့ Anyone But You ရုပ်ရှင်

မေ ၄၊ ၂၀၂၃။

◼ Top Gun: Maverick သရုပ်ဆောင် Glen Powell နဲ့ Euphoria သရုပ်ဆောင် Sydney Sweeny တို့ ပါဝင်သရုပ်ဆောင်ထားတဲ့ romcom ရုပ်ရှင် Anyone But You ရဲ့ ရုံတင်ပြသရက်ကို Sony ဘက်က တရားဝင်အတည်ပြုလာပြီဖြစ်ပါတယ်။

◼ Anyone But You ကို Easy A နဲ့ Friends with Benefits ဒါရိုက်တာ Will Gluck က ရိုက်ကူးထားတာဖြစ်ပြီး ဇာတ်လမ်းကို​တော့ High School Musical: The Musical: The Series ရဲ့ ဇာတ်ညွှန်းဆရာ Ilana Wolpert က ရေးသားပေးထားတာပါ။ ဇာတ်လမ်းအကြောင်းအရာအသေးစိတ်ကိုတော့မသိရသေးပါဘူး။

◼ Anyone But You ကို ၂၀၂၃ နှစ်ကုန်ပိုင်းဖြစ်တဲ့ ဒီဇင်ဘာ ၁၅၊ ၂၀၂၃ မှာ ရုံတင်ပြသမှာဖြစ်ကြောင်း Sony ဘက်က အတည်ပြုလာခဲ့တာပါ။ Anyone But You ရဲ့ trailer ကို CinemaCon 2023 မှာ မိတ်ဆက်ပြသခဲ့ပေမယ့်လည်း CinemaCon 2023 ဟာ ကန့်သတ်သီးသန့်ပွဲတော်ဖြစ်တဲ့အတွက် ပရိသတ်တွေအနေနဲ့ trailer ကို ကြည့်ရှုရခြင်းမရှိသေးပါဘူး။

◼ အဲဒီနေ့မှာပဲ သရုပ်ဆောင် Timothée Chalamet ရဲ့ Warner Bros. ရုပ်ရှင် Wonka ကို ရုံတင်ပြသမှာဖြစ်တဲ့အတွက် ရုံကြီးကားနှစ်ခုအားပြိုင်ကြတာကိုတွေ့ရမှာဖြစ်ပါတယ်။

◼ Sydney Sweeny ဟာ Euphoria မှာ ပိုမိုလူသိများလာတာဖြစ်ပြီး Sony Marvel ရုပ်ရှင် Madame Web မှာလည်း ပါဝင်သွားဦးမှာဖြစ်သလို Glen Powell ဟာလည်း Hitman, Deputy X, Foreign Relations နဲ့ Most Dangerous Game တို့မှာလည်း သရုပ်ဆောင်သွားဦးမှာပါ။

◼ မြန်မာပရိသတ်တွေကြားမှာလည်း Sydney Sweeny ရဲ့ ခန္ဓာကိုယ်အချိုးအစားကိုသဘောကျနှစ်သက်သူတွေအများအပြားရှိနေပါတယ်။

Ref: ComicBook

Sub-Zero ရေးသည်။