Killers of the Flower Moon ရုပ်ရှင်ကို ကိန်းစ်ရုပ်ရှင်ပွဲတော်မှာ အကြိုပြသဖွယ်ရှိနေ

Killers of the Flower Moon ရုပ်ရှင်ကို ကိန်းစ်ရုပ်ရှင်ပွဲတော်မှာ အကြိုပြသဖွယ်ရှိနေ

ဖေဖော်ဝါရီ ၂၄၊ ၂၀၂၃။

◼ ဒါရိုက်တာ Martin Scorsese ရိုက်ကူးထားပြီး နာမည်ကျော်သရုပ်ဆောင်တွေဖြစ်ကြတဲ့ Leonardo DiCaprio နဲ့ Robert DeNiro တို့ ပါဝင်ထားတဲ့ Killers of the Flower Moon ရုပ်ရှင်ဟာ လက်ရှိမှာ တည်းဖြတ်ပြင်ဆင်မှုအနေအထားမှာရှိနေပါတယ်။

◼ Killers of the Flower Moon ရုပ်ရှင်ကို နာမည်ကြီးရုပ်ရှင်ပွဲတော်ကြီးတစ်ခုဖြစ်တဲ့ ကိန်းစ်ရုပ်ရှင်ပွဲတော်မှာအကြိုပြသဖို့ပြင်ဆင်နေကြောင်း Variety သတင်းအရသိရှိရပါတယ်။ အဆိုပါဆောင်းပါးအရ Killers of the Flower ကို ကိန်းစ် နဲ့ ဗင်းနစ်စ်ရုပ်ရှင်ပွဲတော်တွေထဲကတစ်ခုမှာပြသဖို့ရည်ရွယ်နေကြောင်း၊ Killers of the Flower Moon ရဲ့ အကြိုပြသမှုကိုဘယ်မှာပြုလုပ်မလဲဆိုတာကတော့ ၂၀၂၃ ဧပြီလမှာမှသိရဖွယ်ရှိကြောင်း သိရှိရပါတယ်။

◼ ၂၀၂၃ အတွက် ကိန်းစ်ရုပ်ရှင်ပွဲတော်ကို မေ ၁၆ မှ မေ ၂၇ အထိ၊ ဗင်းနစ်စ်ရုပ်ရှင်ပွဲတော်ကိုတော့ သြဂုတ် ၃၀ မှ စက်တင်ဘာ ၉ အထိ ကျင်းပမှာပါ။

◼ Apple TV+ နဲ့ Paramount ကုမ္ပဏီတို့ ပူးတွဲထုတ်လုပ်ထားတဲ့ Killers of the Flower Moon ရုပ်ရှင်ကို နဂိုက ၂၀၂၂ နှစ်ကုန်ပိုင်းမှာပြသဖို့စီစဥ်ထားပေမယ့် ယခုအခါမှာတော့ ၂၀၂၃ မှာ ရုံတင်ပြသနိုင်ဖွယ်ရှိနေပါတယ်။

◼ Killers of the Flower Moon ဟာ ၂၀၂၁ ကတည်းက ရိုက်ကူးရေးပြီးစီးခဲ့တာဖြစ်ပြီး Apple TV+ နဲ့ Paramount ဟာ Killers of the Flower Moon နဲ့ ပတ်သက်ပြီး စနစ်တကျပြင်ဆင်ထုတ်လုပ်ခဲ့တာပါ။

◼ Killers of the Flower Moon ဟာ စာရေးဆရာ Eric Roth ရဲ့ Killers of the Flower Moon: The Osage Murders and the Birth of the FBI ဝတ္ထုကို အခြေခံရိုက်ကူးထားပြီး Robert DeNiro, Leonardo DiCaprio နဲ့ Brendan Fraser တို့ ပါဝင်သရုပ်ဆောင်ထားကြပါတယ်။

Ref: Variety

McGarrett ရေးသည်။