Season 4 အတွက်ပါ ဇာတ်လမ်းရေးနေပြီဆိုတဲ့ Star Wars ဇာတ်လမ်းတွဲ The Mandalorian

Season 4 အတွက်ပါ ဇာတ်လမ်းရေးနေပြီဆိုတဲ့ Star Wars ဇာတ်လမ်းတွဲ The Mandalorian 

Star Wars | ဖေဖော်ဝါရီ ၂၂၊ ၂၀၂၃။

◼ သရုပ်ဆောင် Pedro Pascal ရဲ့ နာမည်ကျော် Star Wars ဇာတ်လမ်းတွဲတစ်ခုဖြစ်တဲ့ The Mandalorian ရဲ့ Season 3 ဟာ လာမယ့် မတ် ၁၊ ၂၀၂၃ မှာ Disney+ မှာ စတင်​ပြသတော့မှာဖြစ်ပါတယ်။

◼ The Mandalorian ဟာ Season 3 တောင် မပြသရသေးပေမယ့်လည်း ရဲ့ Season 4 အတွက် ဇာတ်လမ်းကိုလည်း ပြင်ဆင်စဥ်းစားထားပြီးဖြစ်သလို စတင်ရေးသားနေပြီဖြစ်ကြောင်း The Mandalorian ရဲ့ Showrunner ဖြစ်သူ Jon Favreau က ပြောပြလာပါတယ်။

◼ The Mandalorian ဟာ အသစ်ထွက်မယ့် တခြား Star Wars ဇာတ်လမ်းတွဲတွေဖြစ်တဲ့ Ashoka နဲ့ Skeleton Crew တို့နဲ့ ဘယ်လိုဆက်စပ်မှုရှိမလဲ အပါအဝင် The Mandalorian ရဲ့ Season 4 အကြောင်းကို Showrunner Jon Faverau က ပြင်သစ်ရုပ်သံလိုင်းတစ်ခုဖြစ်တဲ့ BFMTV နဲ့ အင်တာဗျူးမှာ အခုလိုပြောပြလာပါတယ်။ 

"Season 4 လား။ အေးဗျ၊ ကျွန်တော်ရေးတောင်ရေးနေပြီ။ ဇာတ်လမ်းကိုဘယ်လိုပြည့်စုံအောင်တင်ဆက်မလဲဆိုတာကိုသိဖို့လိုတယ်လေ။ အဲတော့ ကျွန်တော်တို့ အစီအစဥ်ချတယ်၊ ပြီးမှ ကျွန်တော်နဲ့ Dave Fioni က တစ်ပိုင်းစီကိုဖြေးဖြေးချင်းရေးတယ်။ Post-production မှာ ကတည်းက ကျွန်တော်တို့ကရေးနေတာပါ။ ဇာတ်လမ်းတစ်ခုတည်းအဖြစ်အားလုံးကိုအဆက်အစပ်ရှိရှိမြင်သွားအောင်လို့ပေါ့။"

◼ လက်ရှိ Star Wars ဇာတ်လမ်းတွဲတွေမှာ The Mandalorian အပြင် The Book of Boba Fett နဲ့ Andor တို့လည်းထွက်ရှိထားသလို နောက်ထပ် Star Wars ဇာတ်လမ်းတွဲသစ်များလည်းထပ်မံထွက်ရှိလာဦးမှာပါ။

Ref: Collider

McGarrett ရေးသည်။