Stanley Kubrick ရဲ့ Napoleon ဇာတ်လမ်းကို Steven Spielberg က limited series အဖြစ် ဖန်တီးသွားမယ်

Stanley Kubrick ရဲ့ Napoleon ဇာတ်လမ်းကို Steven Spielberg နဲ့ HBO ရုပ်သံလိုင်းက limited series အဖြစ် ဖန်တီးသွားမယ်

ဖေဖော်ဝါရီ ၂၂၊ ၂၀၂၃

◼ ပရိသတ်တွေအတွက် Ridley Scott ရဲ့ Napoleon ရုပ်ရှင်အပြင် နောက်ထပ် Napoleon series တစ်ခုကိုပါ ထပ်မံကြည့်ရှုခွင့်ရတော့မှာဖြစ်ပါတယ်။

◼ ကွယ်လွန်သွားပြီဖြစ်တဲ့ ဟောလိဝုဒ်ရဲ့နာမည်ကျော်ဒါရိုက်တာတစ်ယောက်ဖြစ်တဲ့ Stanley Kubrick ရဲ့ Napoleon ဇာတ်လမ်းကို HBO က ဘတ်ဂျက်မြင့် series အဖြစ် ဇာတ်လမ်းတည်ဆောက်ပြင်ဆင်နေတာ ခုနစ်နှစ်ခန့်ရှိပြီဖြစ်ပါတယ်။

◼ Deadline သတင်းဌာနရဲ့သတင်းအရ ပြင်သစ် စစ် commander Napoleon ရဲ့ အတ္ထုပ္ပတ္တိကို ဇာတ်လမ်းရေးသားထားတဲ့ ဒါရိုက်တာ Stanley Kubrick ရဲ့ Napoleon ကို နောက်ထပ် နာမည်ကျော်ဒါရိုက်တာတစ်ယောက်ဖြစ်တဲ့ Steven Spielberg ဟာ HBO နဲ့အတူတူပူးပေါင်းပြီး series အဖြစ် ဖန်တီးသွားမှာဖြစ်ကြောင်းသိရပါတယ်။

◼ Napoleon ကို အပိုင်း ၇ ပိုင်းပါ limited series (အပိုင်းအရေအတွက်အကန့်အသတ်ရှိ) တစ်ခုအဖြစ် ဖန်တီးသွားမှာဖြစ်ကြောင်းကို Steven Spielberg က ရုပ်ရှင်ပွဲတော်တစ်ခုဖြစ်တဲ့ Berlaine 2023 ကို တက်ရောက်လာရင်း မီဒီယာများနဲ့အမေးအဖြေကဏ္ဍမှာအတည်ပြုပေးခဲ့တာဖြစ်ပါတယ်။

◼ Steven Spielberg ဟာ The Fablesman အပြီးမှာ Napoleon ကို ကိုင်တွယ်ဖို့ပြင်ဆင်နေတာဖြစ်ပါတယ်။

◼ Stanley Kubrick ဟာ Napoleon ကို စနစ်တကျပြင်ဆင်ရေးသားခဲ့တာဖြစ်ပြီး ဗြိတိန်၊ ပြင်သစ်နဲ့ ရိုမေးနီးယားတို့မှာ စစ်သားလေးသောင်းခန့်လူအင်အားအသုံးပြုပြီး ရိုက်ကူးဖို့အထိပြင်ဆင်ခဲ့တာပါ။

◼ Napoleon limited-series ဟာ မကြာခင်ကာလမှာ ရိုက်ကူးခွင့်ပါမစ်ကျလာနိုင်ဖွယ်ရှိနေပါတယ်။

Ref: Deadline

McGarrett ရေးသည်။