Cillian Murphy ရဲ့ ရုပ်ရှင်အသစ် 'Small Things Like These'

Cillian Murphy ရဲ့ ရုပ်ရှင်အသစ် 'Small Things Like These' 

မတ် ၂၃၊ ၂၀၂၃။

 

◼  Oppenheimer, The Dark Knight သုံးကားတွဲ၊ A Quiet Place Part II နဲ့ Peaky Blinders တို့မှာ သရုပ်ဆောင်ခဲ့တဲ့ Cillian Murphy ကို upcoming ရုပ်ရှင်တစ်ခုဖြစ်တဲ့ "Small Things Like These" မှာ Bill Furlong အဖြစ် ထပ်မံ မြင်တွေ့ရတော့မှာပါ။

◼ ဒါ့အပြင် ဒီရုပ်ရှင်မှာ အိုင်ယာလန်ရဲ့ အထင်ကရ သရုပ်ဆောင်တွေဖြစ်တဲ့ Ciarán Hinds နဲ့ Emily Watson တို့လဲ ပါဝင်သွားမယ်လို့ သိထားရပေမယ့် ဇာတ်ကားမှာ ပါဝင်မယ့် အခြား ဇာတ်ကောင်တွေကိုတော့ လောလောဆယ် မကြေညာထားသေးပါဘူး။

◼ 'Small Things Like These' စာအုပ်ကို အိုင်ယာလန် စာရေးဆရာမ Claire Keegan ရေးသားခဲ့ပြီး ၂၀၂၁ ခုနှစ်မှာ ထုတ်ဝေခဲ့တာပါ။ ဒီစာအုပ်ကို အခြေခံပြီး နာမည်တူ ရုပ်ရှင်အဖြစ်ပြန်လည်ပုံဖော်မယ့်သူကတော့ ဒါရိုက်တာ Tim Mielants ဖြစ်ပါတယ်။

◼ ဒီရုပ်ရှင်ကို Ben Affleck နဲ့ Matt Damon တို့ရဲ့ ထုတ်လုပ်ရေးကုမ္ပဏီ Artists Equity က အကုန်အကျခံ ရိုက်ကူးမှာပဲ ဖြစ်ပါတယ်။ Damon က ထုတ်လုပ်သူဖြစ်ပြီး Affleck ကတော့ အမှုဆောင်ထုတ်လုပ်သူ အဖြစ်တာဝန်အသီးသီး ယူထားကြပါတယ်။

◼ အဆိုပါ ရုပ်ရှင်ရိုက်ကူးမှုနဲ့ ပတ်သက်ပြီး “စာရေးဆရာမ Claire Keegan ရဲ့ ကြီးကျယ်ခမ်းနားတဲ့ ဝတ္ထုကို ရုပ်ရှင်ပိတ်ကားပေါ် တင်ခွင့်ရလို့ ဂုဏ်ယူပီတိဖြစ်မိပါတယ်” လို့ Murphy က ပြောထားပါသေးတယ်။

◼ "Small Things Like These" ကိုတော့ လက်ရှိ အိုင်ယာလန်မှာ ရိုက်ကူးနေပါတယ်။ 

Ref: Collider

Nova ရေးသည်။