Ghostbuster: Afterlife sequel မှာ Kumal Nanjiani ပါဝင်သရုပ်ဆောင်သွားမယ်
မတ် ၂၅၊ ၂၀၂၃။
◼ ၂၀၂၁ က ထွက်ခဲ့တဲ့ Sony ရဲ့ Ghostbusters ရုပ်ရှင်တစ်ကားဖြစ်တဲ့ Ghosbusters: Afterlife ဟာ နောက်ထပ် sequel တစ်ကား ထပ်မံထွက်ရှိလာဦးမှာဖြစ်ပါတယ်။
◼ Ghostbusters: Afterlife sequel မှာ Marvel ရဲ့ Eternals ရုပ်ရှင်မှာ Kingo အဖြစ် ပါဝင်ခဲ့တဲ့ သရုပ်ဆောင် Kumal Nanjiani လည်း ပါဝင်လာပြီဖြစ်ပါတယ်။
◼ Kumal Nanjiani နဲ့ အတူ The Sandman ဇာတ်လမ်းတွဲနဲ့ Ratatouille သရုပ်ဆောင် Patton Oswalt, အင်္ဂလိပ် comedian တစ်ယောက်ဖြစ်တဲ့ James Acaster, Doctor Sleep, Babysitter နဲ့ Gossip Girl သရုပ်ဆောင် Emily Alyn Lind တို့လည်း ပါဝင်သရုပ်ဆောင်သွားကြမှာဖြစ်ပါတယ်။ ဒါ့အပြင် Ghostbusters: Afterlife က Paul Rudd နဲ့ Carrie Coon တို့လည်း ပြန်လည်ပါဝင်လာဦးမှာပါ။
◼ Ghostbusters: Afterlife sequel ကို ဒါရိုက်တာ Gil Kenan က တာဝန်ယူရိုက်ကူးသွားမှာဖြစ်ပြီး ဇာတ်လမ်းကိုတော့ Gil Kenan, Jason Reitman နဲ့ Jason Blumenfeld တို့က ပူးတွဲရေးသားသွားကြမှာဖြစ်ပါတယ်။ နယူးယောက်ခ်မြို့မှာဇာတ်အိမ်တည်ရိုက်ကူးသွားမယ်ဆိုတာကလွဲလို့ ဇာတ်လမ်းသဘောနဲ့ပတ်သက်ပြီး အသေးစိတ်မသိရသေးပါဘူး။
◼ ၂၀၂၁ က ထွက်ခဲ့တဲ့ Ghostbusters: Afterlife ဟာ ၁၉၈၄ ရုပ်ရှင်ရဲ့ အဆက်ဖြစ်ပြီး ဘတ်ဂျက်ငွေ ကန်ဒေါ်လာ ၇၅ သန်း အသုံးပြုရိုက်ကူးခဲ့တာဖြစ်သလို ရုံတင်ငွေစုစုပေါင်း ကန်ဒေါ်လာ ၂၀၄.၄ သန်း ပြန်လည်ရရှိခဲ့ပါတယ်။
◼ Ghostbusters: Afterlife sequel ကို လာမယ့် ၂၀၂၃၊ ဒီဇင်ဘာလထဲမှာ ရုံတင်ပြသသွားမှာဖြစ်ပါတယ်။
ပုံစာ (ဝဲမှယာ) - Kumail Nanjiani, Patton Oswalt, comedian James Acaster and Emily Alyn Lind
Ref: Deadline
McGarrett ရေးသည်။
0 Comments