နောက်ဆက်တွဲရုပ်ရှင်ထွက်ဦးမယ့် Jackie Chan ရဲ့ New Police Story

နောက်ဆက်တွဲရုပ်ရှင်ထွက်ဦးမယ့် Jackie Chan ရဲ့ New Police Story

မတ် ၁၆၊ ၂၀၂၃။

◼ ၂၀၀၄ ခုနှစ်ကထွက်ခဲ့တဲ့ မင်းသားကြီး Jackie Chan ရဲ့ Cantonese အက်ရှင်ရုပ်ရှင် New Police Story ဟာ နောက်ထပ် sequel ရုပ်ရှင် New Police Story 2 ထပ်မံထွက်ရှိလာတော့မှာဖြစ်ပါတယ်။

◼ New Police Story 2 ကို Empire Motion Picture ကနေပဲ တာဝန်ယူထုတ်လုပ်သွားမှာဖြစ်ပါတယ်။ ဒါ့အပြင် New Police Story မှာ ပါဝင်ခဲ့တဲ့ အဆိုတော်နဲ့သရုပ်ဆောင် Nicolas Tse ဟာ New Police Story 2 မှာ သရုပ်ဆောင်အဖြစ် ပြန်လည်ပါဝင်ရုံသာမက ဒါရိုက်တာအဖြစ်ပါ တာဝန်ယူရိုက်ကူးပေးသွားမှာပါ။

◼ New Police Story ဟာ ဟောင်ကောင်မြို့ကဘဏ်တွေကိုအနုကြမ်းစီးဖောက်ထွင်းလုယက်တဲ့ဓားပြအဖွဲ့ကို ဟောင်ကောင်ရဲအရာရှိ Chan နဲ့ အဖွဲ့က လိုက်လံဖမ်းဆီးရာကနေ ဇာတ်လမ်းအစယူထားပြီး အချိုးအကွေ့အလှည့်အပြောင်းများစွာလည်းပါဝင်ထားပါတယ်။

◼ ၂၀၀၄ က ထွက်ခဲ့တဲ့ New Police Story ဟာ Jackie Chan ရဲ့ Police Story ငါးကားတွဲ franchise နဲ့ ဆက်စပ်မှုမရှိတဲ့ non-canon ရုပ်ရှင်ဖြစ်ပါတယ်။

◼ New Police Story 2 ရဲ့ ပြသရက်ကိုတော့မသိရသေးပါဘူး။

Ref: MovieWeb

McGarrett ရေးသည်။