မေမေကြီးကအစောကြီးအိပ်တတ်လို့ပါကွယ် လို့ပြောလာတဲ့ Jamie Lee Curtis
မတ် ၆၊ ၂၀၂၃။
◼ Everything Everywhere All At Once ရုပ်ရှင်ကားကြီးနဲ့ အကောင်းဆုံးဇာတ်ပို့သရုပ်ဆောင်ဆုနေရာ အကယ်ဒမီဆန်ကာတင်စာရင်းဝင်တဲ့မင်းသမီးကြီး Jamie Lee Curtis ဟာ Oscar ဆုပေးပွဲကြီးနဲ့ဆက်စပ်တဲ့ ဆန်ခါတင်ပုဂ္ဂိုလ်များဆိုင်ရာညစာစားပွဲကို ဖိတ်ကြားခြင်းခံခဲ့ရပေမယ့်လည်း တက်ရောက်မှာမဟုတ်ဘူးလို့သိရပါတယ်။
◼ ပြီးခဲ့တဲ့စနေနေ့တုန်းက Film Independent Spirit Awards ပွဲမှာ The Hollywood Reporter သတင်းဌာနနဲ့ အင်တာဗျူးတစ်ခုပြုလုပ်ခဲ့ပြီး အဆိုပါအင်တာဗျူးမှာ Jamie lee curtis က မတ်လ ၉ ရက်နေ့ မှာကျင်းပမယ့် Oscar ဆန်ခါတင်ပုဂ္ဂိုလ်များဆိုင်ရာညစာစားပွဲကို တက်ဖြစ်မှာမဟုတ်ကြောင်းပြောကြားခဲ့ပါတယ်။
◼ အဲဒီလိုမတက်ရတဲ့အကြောင်းအရင်းကတော့ သူ အိပ်ရေးမပျက်ချင်လို့ပါတဲ့။
"ကျွန်မကိုပြောကြမှာပဲ။ Jamie ရေ ခင်ဗျား Oscar ဆန်ကာတင် စာရင်းဝင်တယ်။ အဲ့ဒီတော့ Oscar ပွဲထဲက ဆန်ကာတင်စာရင်းဝင်တွေအတွက် သီးသန့်နေရာမှာ ရှိနေဖို့ ပွဲတတ်စေချင်တယ် လို့ပြောကြမယ်။ အဲ့တော့ ကျွန်မကငြင်းလိုက်တယ်လေ။ ဘာလို့လဲသိလား။ ဘာလို့ဆိုတော့ မေမေကြီးက အိပ်ရာ အစောကြီးဝင်တတ်လို့ပါ။ ည၇နာရီခွဲမှာစမယ့် ညစာစားပွဲက စားစရာတွေလာမချခင်မှာပဲ ည၉နာရီထိုးသွားမှာလေ။ ပြီးတော့ သိလား။ အဲ့ ၉နာရီထိုးပြီးရင် ငါ့အတွက် ဘာကောင်းလာမလဲဆိုတော့ ဘာမှမကောင်းဘူး။ အကျိုးရှိတာဘာမှမရှိဘူး။ ဇီးရိုးပဲ။"
◼ မင်းသမီးကြီးဟာ ပွဲလမ်းအခမ်းအနားတွေထက် ကျန်းမာရေးကိုပဲပိုမိုအလေးထားတဲ့ပုံစံပါပဲ။
Ref: Insider Entertainment
ကိုခွေး ရေးသည်။
0 Comments