John Wick Chapter 5 ထပ်ထွက်ဖို့ အလားအလာနည်းနိုင်ချေရှိနေ

John Wick Chapter 5 ထပ်ထွက်ဖို့ အလားအလာနည်းနိုင်ချေရှိနေ

မတ် ၁၆၊ ၂၀၂၃။

◼ သရုပ်ဆောင် Keanu Reeves ရဲ့ John Wick ရုပ်ရှင်တွေဟာ လူကြိုက်များတဲ့ franchise တစ်ခုဖြစ်ပြီး လာမယ့် မတ် ၂၈ မှာ လေးကားမြောက် John Wick ရုပ်ရှင် John Wick: Chapter 4 ဟာလည်း ရုံတင်ပြသတော့မှာဖြစ်ပါတယ်။

◼ John Wick ဟာ Chapter 5 ထွက်မယ်လို့ကြေညာထားပေမယ့်လည်း ဒါရိုက်တာ Chad Stahelski ရဲ့ လတ်တလောအင်တာဗျူးတစ်ခုအရ Chapter 5 ရဲ့ ဆက်လက်ထွက်ရှိမယ့်အလားအလာဟာ နည်းပါးစပြုလာနေပါတယ်။

◼ The Hollywood Reporter သတင်းဌာနနဲ့ သီးသန့်အင်တာဗျူးတစ်ခုမှာ ဒါရိုက်တာ Chad Stahelski က John Wick ရုပ်ရှင်တွေအကြောင်းကို အခုလိုပြောလာပါတယ်။

"ကျွန်တော်တို့စိတ်ထဲမှာတော့ Keanu နဲ့ ကျွန်တော်နဲ့ ကိစ္စပြီးသွားပြီလို့တွေးမိထားတယ်။ ကျွန်တော်တို့ John Wick ကို အနားပေးတော့မယ်ပေါ့။ စတူဒီယိုမှာတော့ အစီအစဉ်ရှိမှာပါ။ အားလုံးကကြိုက်ကြမယ်၊ ထူးထူးဆန်းဆန်းဖြစ်သွားမယ်ဆိုရင်တော့ ကျွန်တော်တို့အချိန်ခဏယူမယ်။ Wick တွေက ဂျပန်မှာရုံတင်တိုင်း ကြောင်တောင်တောင်အကြောင်းပြချက်တွေနဲ့ အမြဲနောက်ကျရတယ်။ အမြဲတမ်း သုံးလနောက်ကျတယ်။"

◼ လက်ရှိမှာတော့ John Wick: Chapter 4 အပြင် Ana De Armas ရဲ့ John Wick spin-off Ballerina နဲ့ သုံးပိုင်းတွဲ prequel ဇာတ်လမ်းတွဲ The Continental လည်း ထွက်ရှိဦးမှာပါ။

Ref: THR

McGarrett ရေးသည်။