စတန့်သမားတွေကို နာရီလက်ဆောင်ပေးခဲ့တဲ့ သရုပ်ဆောင် Keanu Reeves

စတန့်သမားတွေကို နာရီလက်ဆောင်ပေးခဲ့တဲ့ သရုပ်ဆောင် Keanu Reeves

မတ် ၂၆၊ ၂၀၂၃။

◼ ဟောလိဝုဒ်မှာ ပကာသနမမက်ပဲ အမြဲလိုလို ဘဝကိုရိုးရိုးရှင်းရှင်းဖြတ်သန်းတတ်တဲ့ မင်းသားတစ်ယောက်ကိုပြောပြပါဆိုရင်တော့ Keanu Reeves ကိုပဲ လက်ညှိုးထိုးပြရပါလိမ့်မယ်။

◼ John Wick: Chapter 4 ရိုက်ကူးရေးပြုလုပ်စဥ်မှာ ရိုက်ကူးရေးမှာပါဝင်ခဲ့တဲ့ စတန့်သမားတစ်ယောက်စီတိုင်းကို Keanu Reeves က Rolex နာရီတစ်လုံးစီ လက်ဆောင်ပေးခဲ့ပါသေးတယ်။

◼ John Wick: Chapter 4 မှာ Keanu Reeves နဲ့ အတူတူသရုပ်ဆောင်ခဲ့တဲ့ Scott Adkins က Keanu Reeves တစ်ယောက် စတန့်သမားတွေကို နာရီလက်ဆောင်ပေးခဲ့တဲ့အ​ကြောင်းကို Adam Corolla Talk Show အစီအစဥ်မှာ အခုလိုပြောပြလာပါတယ်။

"သူက ဒီကားမှာပါခဲ့တဲ့စတန့်သမားတွေကို Rolex တစ်လုံးစီပေးခဲ့တာဗျ။"

◼ Keanu Reeves ဟာ The Lake House ရုပ်ရှင်ရိုက်ကူးစဥ်ကလည်း အိမ်လခအခက်အခဲဖြစ်နေတဲ့ Costume ဆိုင်ရာ အကူဝန်ထမ်းတစ်ဦးကိုလည်း ကန်ဒေါ်လာ နှစ်သောင်း ပေးပစ်ခဲ့ဖူးပါတယ်။

◼ The Matrix ရုပ်ရှင်တွေကနေရရှိခဲ့တဲ့ အနုပညာကြေး ကန်ဒေါ်လာ ၇၅ သန်းကိုလည်း Keanu Reeves ဆေးရုံတွေကိုလှူပစ်ခဲ့ဖူးပါသေးတယ်။

Ref: Internet

McGarrett ရေးသည်။