Rotten Tomatoes မှာ 100% ရထားတဲ့ Ben Affleck ရဲ့ Air
မတ် ၂၃၊ ၂၀၂၃။
◼ ဒီ ဇာတ်ကားက Sneaker ချစ်သူတွေရော၊ Basketball ချစ်သူတွေပါ အကြိုက်တွေ့စေမယ့် ဇာတ်ကားဖြစ်တဲ့အပြင် Nike ရဲ့ Air Jordan ထုတ်လုပ်ဖြစ်တဲ့ Sneaker အကြောင်းနဲ့ Sport လောကမှာ Sneaker တွေရဲ့ အပြောင်းအလဲကြောင့် Company တိုးတက်လာတာကို အဓိကထားပြီး ရိုက်ကူးထားတဲ့ ဇာတ်ကားတစ်ကားဖြစ်ပါတယ်။
◼ Air ကို Ben Affleck ကိုယ်တိုင် Director အနေနဲ့ ရိုက်ကူးထားတာဖြစ်ပြီး နာမည်ကြီး သရုပ်ဆောင်တွေဖြစ်တဲ့ Matt Damon, Jason Bateman, Ben Affleck, Chris Tucker နဲ့ Viola Davis တို့ ပါဝင် သရုပ်ဆောင်ထားပါတယ်။
◼ ဒီကနေ့ မတ် ၂၃ လေ့လာချက်အရ Air ဟာ Rotten Tomatoes မှာ ရဗျူး ၁၅ ခုနဲ့ Tomatometer 100% အပြည့် ရရှိထားကြောင်း သိရပါတယ်။
◼ Trailer ထဲမှာတင် Ben Affleck ရဲ့ သရုပ်ဆောင်ချက်တွေအရမ်းမိုက်လို့ လာမယ့် ဧပြီလ ၅ ရက်နေ့မှာ ထွက်မယ့် Air က စောင့်ကြည့်သင့်တဲ့ ဇာတ်ကား တစ်ကားဖြစ်လာပါပြီ။
John Snow ရေးသည်။
Nike နဲ့ Air Jordan အကြောင်းရုပ်ရှင် Air
◼ နာမည်ကျော်အားကစားထုတ်ကုန်တစ်ခုဖြစ်တဲ့ Air Jordan ဖြစ်ပေါ်လာပုံ၊ အမေရိကန်ဘတ်စကတ်ဘောကစားသမား Michael Jordan နဲ့ Nike ကုမ္ပဏီတို့ရဲ့ အကျိုးတူပူးပေါင်းမှုဖြစ်ပေါ်လာပုံကို ဇာတ်အိမ်တည်ရိုက်ကူးထားတဲ့ Air ရုပ်ရှင်ဟာ လာမယ့် ဧပြီ ၅၊ ၂၀၂၃ မှာ ရုံတင်ပြသမှာဖြစ်ပါတယ်။ ရုံတင်ပြသအပြီးမှာတော့ Air ရုပ်ရှင်ကို Amazon Prime Video မှာ အကြည်ဗားရှင်းနဲ့ကြည့်ရှုနိုင်မှာပါ။
◼ Air ရုပ်ရှင်မှာ နာမည်ကျော်သရုပ်ဆောင်နှစ်ယောက်ဖြစ်တဲ့ Ben Affleck နဲ့ Matt Damon တို့ အဓိကပါဝင်သရုပ်ဆောင်ထားပြီး Ben Aflleck ကိုယ်တိုင် ဒါရိုက်တာအဖြစ် တာဝန်ယူရိုက်ကူးထားတာဖြစ်ပါတယ်။
◼ Air ရုပ်ရှင်မှာ Matt Damon က Nike executive Sonny Vaccaro အဖြစ်၊ Ben Affleck က Nike co-founder Phil Knight အဖြစ် ပါဝင်ထားသလို Jason Bateman က Rob Strasser အဖြစ်၊ Chris Messina က David Falk အဖြစ်၊ Matthew Maher က Peter Moore အဖြစ်၊ Marlon Wayans က George Raveling အဖြစ်၊ Chris Tucker က Howard White အဖြစ်၊ Viola Davis က Deloris Jordan အဖြစ်၊ Gustaf Skarsgård က Horst Dassler အဖြစ် နဲ့ Julius Tennon က James Jordan အဖြစ် ပါဝင်ထားကြပါတယ်။
◼ Air ရုပ်ရှင်ကို Matt Damon နဲ့ Ben Affleck တို့ရဲ့ ကုမ္ပဏီ Artists Equity နဲ့ အတူ Amazon Studios, Skydance Sports နဲ့ Mandalay Pictures တို့က ပူးတွဲထုတ်လုပ်ထားတာပါ။
0 Comments