Tiger vs Pathaan ရုပ်ရှင်ကားသစ် ထွက်ရှိလာဖွယ်ရှိနေ
Bollywood | မတ် ၂၉၊ ၂၀၂၃။
◼ Bollywood ထုတ်လုပ်ရေးကုမ္ပဏီတစ်ခုဖြစ်တဲ့ YRF ဟာ Hollywood က cinematic franchise တွေလိုမျိုး Bollywood မှာလည်း YRF Spy Universe ဆိုပြီး universe တစ်ခုကို တည်ဆောက်ထားပါတယ်။
◼ YRF Spy Universe ဟာ အိန္ဒိယထောက်လှမ်းရေးအဖွဲ့ RAW (Research and Analysis Wing) ရဲ့ အထူးအေးဂျင့်တွေအကြောင်းဇာတ်အိမ်တည်ထားတာဖြစ်ပြီး ရုပ်ရှင်လေးကားအထိထွက်ရှိထားပါတယ်။
◼ ပြီးခဲ့တဲ့ ဇန်နဝါရီလမှာ စတင်ရုံတင်ပြသပြီး ယခု OTT စနစ်နဲ့ ပြသနေတဲ့ လေးကားမြောက် YRF Spy Universe ရုပ်ရှင် Pathaan ဟာ ဝင်ငွေအရများစွာအောင်မြင်မှုရခဲ့ပါတယ်။ Pathaan မှာ Bollywood ရဲ့ နာမည်ကျော်သရုပ်ဆောင် Shah Rukh Khan က Pathaan အဖြစ် သရုပ်ဆောင်ခဲ့တာပါ။
◼ အဲလိုအောင်မြင်ခဲ့တဲ့အတွက် YRF ဟာ သရုပ်ဆောင် Salman Khan သရုပ်ဆောင်ထားတဲ့ Spy Universe ရဲ့ မူရင်းဇာတ်ကောင် Tiger နဲ့ Shah Rukh Khan ရဲ့ Pathaan တို့ကို crossover လုပ်ပေးမယ့် သီးသန့်ရုပ်ရှင် Tiger vs Pathaan ဆိုတဲ့ ရုပ်ရှင်တစ်ကားကို ပြင်ဆင်နေကြောင်းသိရပါတယ်။ YRF ဘက်က တရားဝင်အတည်ပြုခြင်းမရှိပေမယ့်လည်း ပြင်ဆင်မှုများကိုစတင်လုပ်ဆောင်နေပြီး ၂၀၂၄ ဇန်နဝါရီလထဲမှာ ရိုက်ကူးရေးစနိုင်ဖွယ်ရှိတယ်လို့ အတွင်းသတင်းများအရသိရပါတယ်။
◼ Pathaan ရုပ်ရှင်မှာလည်း Tiger ဟာ cameo ပါဝင်ခဲ့သလို အသစ်ထွက်မယ့် YRF Spy Universe ရဲ့ ငါးကားမြောက်ဖြစ်တဲ့ Tiger 3 မှာလည်း Pathaan က cameo တစ်ခန်းပါဝင်လာဦးမှာပါ။
◼ Tiger 3 ကိုတော့ ၂၀၂၃ ဒီပါဝလီနေ့မှာ ရုံတင်ပြသမှာဖြစ်ပါတယ်။
Ref: Bollywood Hungama
0 Comments