Ant-Man & the Wasp: Quantumania မှာ Kang ရဲ့ နောက်ခံသမိုင်းကိုဖြုတ်ချထားတယ်
Marvel | ဧပြီ ၃၊ ၂၀၂၃။
◼ ၂၀၂၃ အတွက် ပထမဆုံး Marvel ရုပ်ရှင် Ant-Man & the Wasp: Quantumania ဟာ ဘတ်ဂျက်ငွေ ကန်ဒေါ်လာ သန်း ၂၀၀ ကျော် အသုံးပြုထားခဲ့ပြီး ရုံတင်ငွေစုစုပေါင်း ကန်ဒေါ်လာ ၄၇၁ သန်းကျော်သာ ပြန်လည်ရရှိခဲ့ကာ ရုံတင်ငွေအရအောင်မြင်မှုမရခဲ့ပါဘူး။
◼ ရုပ်ရှင်ပရိသတ်တွေကြားမှာ Ant-Man & the Wasp: Quantumania နဲ့ ပတ်သက်တဲ့ အမြင်တွေဟာလည်း မျိုးစုံရှိနေပြီး အားမရသူတွေလည်းရှိနေပါတယ်။ အများစုကတော့ ဗီလိန်ဖြစ်တဲ့ Kang the Conqueror ဟာ လုပ်ကွက်သိပ်မရခဲ့တဲ့အတွက် အားမရဖြစ်နေကြတာကိုတွေ့ရပါတယ်။
◼ Kang ဟာ မူကွဲအသွင်မျိုးစုံရှိတဲ့ Marvel ဇာတ်ရုပ်တစ်ခုဖြစ်ပြီး Ant-Man & the Wasp: Quantumania အပြင် Disney+ Marvel ဇာတ်လမ်းတွဲ Loki မှာ Kang ရဲ့ မူကွဲအသွင်တစ်ခုဖြစ်တဲ့ He Who Remains ကို မိတ်ဆက်ခဲ့ပါသေးတယ်။
◼ Kang the Conqueror အဖြစ် Jonathan Majors က သရုပ်ဆောင်ခဲ့တာဖြစ်ပြီး ပရိသတ်တွေဟာ Jonathan Majors ရဲ့ သရုပ်ဆောင်ပီပြင်မှုကိုများစွာသဘောကျနေကြပါတယ်။ သို့ပေမယ့် Ant-Man & the Wasp: Quantumania မှာ Kang the Conqueror ရဲ့ နောက်ခံသမိုင်းကြောင်းကို ထည့်သွင်းဖို့စီစဥ်ရာကနေ ဖြုတ်ချခဲ့တဲ့အတွက် Kang the Conqueror ဟာ အားနည်းတဲ့ဇာတ်ရုပ်တစ်ခုဖြစ်ခဲ့ရပါတယ်။
◼ Ant-Man & the Wasp: Quantumania ရဲ့ ဇာတ်လမ်းဆရာ Jeff Loveness ဟာ Kang ရဲ့ နောက်ခံဇာတ်လမ်းကိုထည့်သွင်းဖို့စီစဥ်ခဲ့ကြောင်းကို Backstory Magazine နဲ့ အင်တာဗျူးတစ်ခုမှာ အခုလိုပြောပြလာပါတယ်။
"ဟုတ်တာပေါ့ အများကြီးရှိပါတယ်။ တချို့ဆိုရင် Kang အတွက် သုံးလို့တောင်ရတယ်။ Kang နဲ့ ပတ်သက်ပြီး ပြသစရာအများကြီးကို နည်းလမ်းအများကြီးနဲ့ပြသဖို့ရှိခဲ့ဖူးပါတယ်။ ဘယ်အထိကျွန်တော်ပြောရမလဲတော့မသိဘူး။ တချို့ဟာတွေဆို Avengers တွေမှာအထိပါသုံးလို့ရတယ်။"
◼ Kang ရဲ့ နောက်ခံသမိုင်းကြောင်းကိုထည့်သွင်းခဲ့မယ်ဆိုရင်တော့ Ant-Man & the Wasp: Quantumania ရဲ့ ရုံတင်ငွေရရှိမှုဟာ တစ်မျိုးပြောင်းလဲသွားနိုင်ပါတယ်။ Variety သတင်းဌာနရဲ့သုံးသပ်ချက်အရ Ant-Man & the Wasp: Quantumania ဟာ ရုံတင်ငွေကန်ဒေါ်လာသန်းခြောက်ရာနဲ့အထက်ကိုရရှိမှသာ ကုန်ကျစရိတ်ပြန်လည်ကာမိမှာဖြစ်တယ်လို့သိရပါတယ်။
◼ MCU ရဲ့ အနာဂတ်ပရောဂျက်တွေမှာ Kang ဟာ အက္ခရာကျတဲ့ဇာတ်ကောင်တစ်ခုဖြစ်သလို Avengers: The Kang Dynasty မှာ Kang တွေအများကြီးကိုတွေ့ရမှာပါ။
◼ လက်ရှိမှာ Kang သရုပ်ဆောင် Jonathan Majors ဟာ အမျိုးသမီးတစ်ဦးအပေါ်ကို ကိုယ်ထိလက်ရောက်အကြမ်းဖက်မှုအတွက် တရားရင်ဆိုင်ရဖို့ရှိပါသေးတယ်။
◼ Ant-Man & the Wasp: Quantumania ကို Digital OTT စနစ်နဲ့ ဘယ်အချိန်မှာပြသမလဲဆိုတာကိုလည်း အတိအကျသိရခြင်းမရှိသေးပါဘူး။
Ref: MovieWeb
Sub-Zero ရေးသည်။
0 Comments