ပထမရုပ်ရှင်ထက် ပိုကြမ်းပိုရမ်းဦးမယ့် Chris Hemsworth ရဲ့ Extraction 2
ဧပြီ ၃၊ ၂၀၂၃။
◼ Thor သရုပ်ဆောင် Chris Hemsworth ရဲ့ Netflix အက်ရှင်ရုပ်ရှင် Extraction ဟာ ပရိသတ်တွေကြားမှာ နာမည်ကြီးခဲ့သလို ယခုအခါမှာတော့ နောက်ဆက်တွဲရုပ်ရှင်ဖြစ်တဲ့ Extraction 2 ဟာ ၂၀၂၃ ထဲမှာ ပရိသတ်ဆီကိုရောက်ရှိလာတော့မှာဖြစ်ပါတယ်။
◼ Extraction 2 ကို Extraction လိုပဲ R-rated အမျိုးအစားဖြစ်ပြီး နာမည်ကျော် Joe Russo နဲ့ Anthony Russo တို့က ဇာတ်လမ်းရေးသားပေးထားသလို ဒါရိုက်တာ Sam Hargrave ကပဲ တာဝန်ယူရိုက်ကူးပေးထားတာဖြစ်ပါတယ်။
◼ ဒါရိုက်တာ Sam Hargrave ကတော့ Extraction 2 ဟာ 1 ထက် ပိုပြီး ကျယ်ပြန့်မယ်၊ ကြမ်းတမ်းမယ်၊ အသေအပျောက်ပိုများမယ် လို့ အခုလိုမျိုးမှတ်ချက်ပေးလာခဲ့ပါတယ်။ "သူကလဲ ထွက်ပြေးဖို့လုပ်ရတဲ့မစ်ရှင်ပါပဲ။ ဒါပေမယ့် ပိုပြီးကြီးမယ်၊ ဆိုးမယ်၊ ကျယ်ပြန့်မယ်၊ ကြမ်းတမ်းမယ်၊ အသေအပျောက်ပိုများမယ်။"
◼ သရုပ်ဆောင် Chris Hemsworth ကလည်း "ကျွန်တော်တို့အကောင်းဆုံးလုပ်ထားပါတယ်။ ကျယ်ပြန့်တဲ့ ဒီအက်ရှင်လောကမှာ အရမ်းထူးခြားတာမျိုးကိုလုပ်ပြထားတယ်လို့တော့ထင်တာပဲ။" လို့ ပြောထားပါသေးတယ်။
◼ Extraction 2 ဟာ ပေါက်ကွဲမှုပြကွက်တွေ၊ ကားချင်းလိုက်တဲ့ပြကွက်တွေ၊ ဟယ်လီကော်ပတာပြကွက်တွေ၊ ရထားပြကွက်တွေကို ပိုမိုကျယ်ပြန့်စွာအသုံးပြုထားတာကိုလည်းတွေ့ရပါတယ်။
◼ IMDb Rating 6.7/10 ရရှိခဲ့တဲ့ Extraction ဟာ ဘင်္ဂလားမာဖီးယားတွေဖမ်းသွားတဲ့ အိန္ဒိယဒုစရိုက်ဂိုဏ်းခေါင်းဆောင်ရဲ့သားကို Tyler Rake ဆိုတဲ့ SASR အဖွဲ့ဝင်ဟောင်း၊ ကြေးစားစစ်သားတစ်ယောက်နဲ့ သူ့ရဲ့အဖွဲ့တွေကဝင်ကယ်ရတဲ့အကြောင်း ဇာတ်လမ်းဆင်ထားတာဖြစ်ပါတယ်။ Extraction မှာ Bollywood က သရုပ်ဆောင်တချို့လည်းပါဝင်ခဲ့ပါသေးတယ်။
◼ Extraction 2 ကို ဇွန် ၁၆၊ ၂၀၂၃ မှာ Netflix ကနေ ပြသမှာပါ။
Ref: MovieWeb
McGarrett ရေးသည်။
0 Comments