Disney က Moana ကိုလည်း live action ထုတ်လုပ်သွားမယ်

Disney က Moana ကိုလည်း live action ထုတ်လုပ်သွားမယ်

ဧပြီ ၄၊ ၂၀၂၃။

◼ Disney က ၎င်းတို့ပိုင် animated ရုပ်ရှင်အများအပြားကို live-action remake များအဖြစ် ထုတ်လုပ်နေလျက်ရှိပါတယ်။

◼ ယခုအခါမှာလည်း ၂၀၁၆ က ထွက်ခဲ့တဲ့ နာမည်ကျော် animated ရုပ်ရှင်တစ်ခုဖြစ်တဲ့ Moana ကို Disney ​က live-action အဖြစ် ထုတ်လုပ်တော့မှာဖြစ်ပါတယ်။

◼ Moana ကို live-action အဖြစ် ထုတ်လုပ်သွားမှာဖြစ်ကြောင်းကို Moana animated ရုပ်ရှင်မှာပါဝင်ခဲ့တဲ့ သရုပ်ဆောင် The Rock က ဗွီဒီယိုကြေညာချက်တစ်ခုနဲ့ Disney ရဲ့ ၂၀၂၃ Annual Meeting of Shareholders Webcast ကနေတစ်ဆင့် ဒီကနေ့မှာပဲ တရားဝင်အတည်ပြုလာခဲ့ပါတယ်။

◼ အဆိုပါ နှစ်မိနစ်စာကြာမြင့်တဲ့ကြေညာချက်ဗွီဒီယိုကို The Rock ရဲ့ လူမှုကွန်ယက်အကောင့်တွေနဲ့ Disney ရဲ့ လူမှုကွန်ယက်အကောင့်တွေမှာပါမျှဝေခဲ့တာဖြစ်ပါတယ်။ 

◼ Moana live-action ဟာ လက်ရှိမှာပြင်ဆင်ဆဲအနေအထားမှာရှိနေပြီး The Rock ရဲ့ ထုတ်လုပ်ရေးကုမ္ပဏီ Seven Bucks Production နဲ့ တခြားကုမ္ပဏီတစ်ခု​ဖြစ်တဲ့ Flynn Pictures တို့ဟာ ထုတ်လုပ်ရေးအပိုင်းမှာ Disney နဲ့အတူ ပူးပေါင်းလုပ်ဆောင်သွားမှာဖြစ်ပါတယ်။ ဒါ့အပြင် Moana အသံသရုပ်ဆောင် Auli’i Cravalho ဟာလည်း Moana live-action ရဲ့ အမှုဆောင်ထုတ်လုပ်သူတစ်ဦးအဖြစ်တာဝန်ယူထားပါသေးတယ်။

◼ သရုပ်ဆောင်၊ ဇာတ်လမ်းနဲ့ ဒါရိုက်တာ စတဲ့ အသေးစိတ်ကိုတော့မသိရသေးပါဘူး။

Ref: Disney  

McGarrett ရေးသည်။