Bad Boys 4 မှာ ပါဝင်သွားမယ့် Euphoria သရုပ်ဆောင် Eric Dane

Bad Boys 4 မှာ ပါဝင်သွားမယ့် Euphoria သရုပ်ဆောင် Eric Dane

ဧပြီ ၁၁၊ ၂၀၂၃။

◼ ပြီးခဲ့တဲ့ ၂၀၂၃ ဇန်နဝါရီ ၃၁ ရက်နေ့မှာ Bad Boys 4 ထပ်မံထွက်ရှိလာမှာဖြစ်ကြောင်းကို Will Smith နဲ့ Martin Laurence တို့က ၎င်းတို့ရဲ့တရားဝင် Instagram စာမျက်နှာတွေကနေတစ်ဆင့်အတည်ပြုပေးခဲ့တာဖြစ်ပါတယ်။

◼ Euphoria, Grey's Anatomy နဲ့ The Last Ship ဇာတ်လမ်းတွဲတွေမှာ ပါဝင်သရုပ်ဆောင်ခဲ့တဲ့ သရုပ်ဆောင် Eric Dane ဟာလည်း Bad Boys 4 မှာ ပါဝင်သွားမှာဖြစ်ကြောင်း Deadline သတင်းအရသိရပါတယ်။ Eric Dane ဟာ ဘယ်နေရာကနေပါဝင်မလဲဆိုတာကိုမသိရသေးပေမယ့်လည်း ဗီလိန်နေရာကနေ ပါဝင်သွားဖွယ်ရှိပါတယ်။

◼ ဒါ့အပြင် Bad Boys For Life မှာ ပါဝင်ခဲ့တဲ့ Vanessa Hugdens, Alexander Ludwig နဲ့ Paola Núñez တို့ဟာလည်း Kelly, Dorn နဲ့ Rita အဖြစ် Bad Boys 4 မှာ ပြန်လည်ပါဝင်လာဦးမှာဖြစ်ပါတယ်။

◼ Sony ရဲ့ Bad Boys ဟာ Bad Boys, Bad Boys 2 နဲ့ Bad Boys For Life ဆိုပြီး သုံးကားထွက်ရှိထားသလို ရုံတင်ငွေစုစုပေါင်း ကန်ဒေါ်လာ သန်း ၈၄၀ ကျော်အထိ ရရှိထားပါတယ်။

◼ Bad Boys 4 ကို ယခင် Bad Boys For Life ရဲ့ ဒါရိုက်တာတွေဖြစ်ကြတဲ့ Adil El Arbi နဲ့ Bilall Fallah တို့ကပဲ ဆက်လက်တာဝန်ယူသွားမှာဖြစ်ပြီး ဇာတ်လမ်းကိုတော့ Chris Bremner က ရေးသားပေးထားသလို pre-production အနေအထားမှာရှိနေပြီဖြစ်ပါတယ်။

◼ ပြသရက်နဲ့ဇာတ်လမ်းအကျဥ်းကိုတော့မသိရသေးပါဘူး။

Ref: Deadline

McGarrett ရေးသည်။