Tiger vs Pathaan မှာ Jason Momoa ကို ဗီလိန်နေရာအတွက် မျက်စိကျနေတယ်လို့ သတင်းထွက်
ဧပြီ ၁၀၊ ၂၀၂၃။
◼ ဘောလိဝုဒ်ရဲ့ နာမည်ကျော်သရုပ်ဆောင်တွေဖြစ်တဲ့ Salman Khan နဲ့ Shah Rukh Khan တို့ ပါဝင်သွားမယ့် Spy Universe ရုပ်ရှင်သစ်ဖြစ်လာမယ့် Tiger vs Pathaan ဟာ ဘောလိဝုဒ်ပရိသတ်တွေကြားမှာရေပန်းစားနေပါတယ်။
◼ ယခုအခါမှာတော့ Tiger vs Pathaan ရဲ့ ဗီလိန်ဇာတ်ကောင်နေရာအတွက် ဟောလိဝုဒ်က Aquaman သရုပ်ဆောင် Jason Momoa ကို ဘောလိဝုဒ်ကထုတ်လုပ်သူတွေက မျက်စိကျနေတယ် လို့ အိန္ဒိယဒေသတွင်းသတင်းနဲ့ဘောလိဝုဒ်သတင်းတွေကိုတင်ဆက်ပေးနေတဲ့ Times of India နဲ့ Mens XP တို့က ရေးသားဖော်ပြထားပါတယ်။
◼ လက်ရှိအချိန်မှာတော့ အဲဒီအကြောင်းအရာအတွက် Jason Momoa ဘက်ကရော၊ Yash Raj Films ဘက်ကပါ တရားဝင်အတည်ပြုချက်တစ်စုံတစ်ရာမရှိသေးသလို ဒီအကြောင်းအရာဟာ ပရိသတ်တွေကြားမှာ ကောလာဟလနဲ့ သီအိုရီတစ်ခုအနေနဲ့သာ တည်ရှိနေတာကိုပဲတွေ့ရပါတယ်။
◼ Spy Universe ရဲ့ ထုတ်လုပ်ရေးကုမ္ပဏီ Yash Raj Films ဘက်ကတော့ Spy Universe ရဲ့ ပရောဂျက်သစ်တွေထဲက Hrithik Roshan ရဲ့ War 2 ကိုအတည်ပြုပေးခဲ့ပေမယ့်လည်း Tiger vs Pathaan နဲ့ ပတ်သက်ပြီး ဘယ်လိုအကြောင်းအရာကိုမှ တရားဝင်အတည်ပြုခြင်းမရှိသေးပါဘူး။
◼ လွန်ခဲ့တဲ့နှစ်ကလည်း Telugu ဒါရိုက်တာ S.S. Rajmouli ရိုက်ကူးမယ့် သရုပ်ဆောင် Mahesh Babu ရဲ့ ရုပ်ရှင်တစ်ကားမှာ Marvel က Thor သရုပ်ဆောင် Chris Hemsworth ပါဝင်လာမယ်ဆိုပြီး သတင်းထွက်ခဲ့ဖူးပါတယ်။
◼ Jason Momoa ဟာ လာမယ့် မေ ၁၉ မှာ ရုံတင်မယ့် Vin Diesel ရဲ့ Fast X ရုပ်ရှင်မှာ ဗီလိန်နေရာကနေပါဝင်ထားပါတယ်။
Ref: Times of India
0 Comments