Comedy-horror Universe တစ်ခုကို Bollywood စတင်တည်ဆောက်လာ
Bollywood | ဧပြီ ၁၃၊ ၂၀၂၃။
◼ Bollywood မှာ Yash Raj Films ဘက်က YRF Spy Universe, Dharma Production ဘက်ကလည်း AstraVerse တို့ကို အသီးသီးတည်ဆောက်လျက်ရှိနေသလို ယခုအခါမှာ Jio Studios နဲ့ Maddock Films ကလည်း Comedy-horror universe တစ်ခုကို ပြင်ဆင်နေပါတယ်။
◼ ၂၀၁၈ က ထွက်ခဲ့တဲ့ Shraddha Kapoor နဲ့ Rajkumar Rao တို့ရဲ့ Stree ရုပ်ရှင်နဲ့ ၂၀၂၂ မှာ ရုံတင်ခဲ့တဲ့ Varun Dhawan နဲ့ Kriti Sanon တို့ရဲ့ Bhediya ဟာ Universe တစ်ခုတည်းမှာအတူတူရှိနေပြီဖြစ်ကြောင်း Bhediya မှာ အတည်ပြုခဲ့ပါတယ်။
◼ ယခုအခါမှာတော့ Jio Studios ဘက်က Stree 2 နဲ့ Bhediya 2 ကို ဆက်လက်ထုတ်လုပ်ဖို့အတွက် ဧပြီ ၁၂ ရက်နေ့က တရားဝင်အတည်ပြုလာခဲ့ပြီဖြစ်ပါတယ်။ အဆိုပါကြေညာအတည်ပြုချက်အရ Stree 2 မှာ Shraddha Kapoor နဲ့ Rajkumar Rao တို့ ပြန်လည်ပါဝင်လာမှာဖြစ်ပြီး သြဂုတ် ၃၁၊ ၂၀၂၄ မှာ ရုံတင်ပြသမှာဖြစ်ကြောင်း၊ Bhediya 2 မှာလည်း Varun Dhawan နဲ့ Kriti Sanon တို့ ပြန်လည်ပါဝင်လာမှာဖြစ်သလို ၂၀၂၅ မှာ ရုံတင်ပြသမှာဖြစ်ကြောင်း သိရပါတယ်။
◼ Bhediya ဟာ သမန်းဝံပုလွေရုပ်ရှင်ဖြစ်ပြီး ဟောလိဝုဒ်က VFX ကုမ္ပဏီတွေနဲ့ ဖန်တီးရိုက်ကူးခဲ့ပေမယ့်လည်း ဝင်ငွေအရအရှုံးပေါ်ခဲ့ရပါတယ်။ အဲလိုအရှုံးပေါ်ခဲ့တဲ့အတွက် Bhediya ဟာ OTT အကြည်မထွက်လာနိုင်ပဲဖြစ်နေတာလပိုင်းကျော်ပြီဖြစ်ပေမယ့်လည်း Jio Studios ဘက်က Bhediya ရဲ့ OTT ကို လာမယ့် ဧပြီ ၂၁ မှာ ထုတ်ပေးသွားမှာဖြစ်ကြောင်း အတည်ပြုခဲ့ပါသေးတယ်။
Ref: BOW
0 Comments