MCU ကို ရောက်ရှိလာပြီဖြစ်တဲ့ သရုပ်ဆောင် Mia Goth
Marvel | ဧပြီ ၁၃၊ ၂၀၂၃။
◼ A24 ရဲ့ Pearl, X နဲ့ MaXXXine ရုပ်ရှင်တွေမှာ ပါဝင်သရုပ်ဆောင်ခဲ့တဲ့ သရုပ်ဆောင် Mia Goth ဟာလည်း Marvel Cinematic Universe ကို ရောက်ရှိလာပြီဖြစ်ပါတယ်။
◼ Marvel Studios က ထုတ်လုပ်မယ့် ၃၆ ကားမြောက် MCU Marvel ရုပ်ရှင် Blade မှာ Mia Goth ဟာ Mahershala Ali နဲ့ အတူ ပါဝင်သရုပ်ဆောင်သွားမှာဖြစ်ကြောင်း Deadline သတင်းအရသိရပါတယ်။
◼ Marvel Studios ဘက်ကတော့ တရားဝင်မှတ်ချက်ပေးထားတာမျိုးမရှိသေးပါဘူး။
◼ MCU Phase 5 ရဲ့ ၁၂ ကားမြောက် ရုပ်ရှင်ဖြစ်တဲ့ Blade ဟာ Marvel ရဲ့ anti-hero ဇာတ်ကောင် Blade the Daywalker အကြောင်းကို ဇာတ်အိမ်တည်ရိုက်ကူးသွားမှာဖြစ်ပါတယ်။ Blade မှာ ပြင်သစ်ဒါရိုက်တာ Yann Demange က ဒါရိုက်တာနေရာကနေ တာဝန်ယူထားသလို ဇာတ်လမ်းကိုတော့ အမေရိကန်ဇာတ်ညွှန်းဆရာ Michael Starburry က ရေးသားပေးထားတာပါ။
◼ Blade ဇာတ်ကောင်ကို Marv Wolfman နဲ့ Gene Colan တို့က ဖန်တီးခဲ့တာဖြစ်ပြီး Marvel Comics မှာ ၁၉၇၃ ဇူလိုင်လထုတ် The Tomb of the Dracula မှာ စတင်မိတ်ဆက်ခဲ့ပါတယ်။ Blade ဟာ မိခင်ဖြစ်သူကို သွေးစုတ်ဖုတ်ကောင်အကိုက်ခံရတဲ့အတွက် လူတစ်ပိုင်း-သွေးစုတ်ဖုတ်ကောင်တစ်ပိုင်းဖြစ်နေတာပါ။
◼ Blade မှာ Mahershala Ali က Blade the Daywalker အဖြစ် သရုပ်ဆောင်သွားမှာဖြစ်ပေမယ့်လည်း Mia Goth အပါအဝင် ကျန်သရုပ်ဆောင်တွေဖြစ်တဲ့ Delroy Lindo, Aaron Pierre နဲ့ Milan Ray တို့ရဲ့ ဇာတ်ကောင်နေရာတွေကိုတော့မသိရသေးပါဘူး။
◼ Mia Goth ဟာ Guillmero Del Toro ရဲ့ Frankenstein ရုပ်ရှင်မှာလည်း ပါဝင်သွားမယ်ဆိုပြီး သတင်းထွက်နေပါသေးတယ်။
◼ MCU Blade ရုပ်ရှင်ဟာ Wesley Snipes ရဲ့ Blade သုံးကားနဲ့ ဆက်စပ်မှုမရှိတဲ့ reboot ရုပ်ရှင်ဖြစ်ပြီး စက်တင်ဘာ ၆၊ ၂၀၂၄ မှာ ရုံတင်ပြသမှာဖြစ်ပါတယ်။
Ref: Deadline
McGarrett ရေးသည်။
0 Comments