The Conjuring franchise ကို ဇာတ်လမ်းတွဲအဖြစ်ဖန်တီးရန်ပြင်ဆင်နေ

The Conjuring franchise ကို ဇာတ်လမ်းတွဲအဖြစ်ဖန်တီးရန်ပြင်ဆင်နေ

ဧပြီ ၁၃၊ ၂၀၂၃။

◼ Warner Bros. Discovery လက်အောက်ခံ streaming platform တစ်ခုဖြစ်တဲ့ HBO Max ဟာ လာမယ့် မေ ၂၃ ရက်နေ့မှာ Max အဖြစ် ပြောင်းလဲသွားမှာဖြစ်ပါတယ်။ Max မှာ ယခင် HBO Max က ပြသနေတဲ့အကြောင်းအရာတွေအပါအဝင် Big Bang Theory spin-off series သစ်တစ်ခု၊ Harry Potter Series သစ်တစ်ခု၊ Game of Thrones prequel series သစ်တစ်ခုနဲ့ The Batman spin-off series သစ် The Penguin တို့ကိုလည်း ပြသဦးမှာဖြစ်ပါတယ်။

◼ Horror လောကမှာ နာမည်ကြီးတဲ့ The Conjuring franchise ကို Warner Bros. Televison နဲ့ Max တို့ ပူးပေါင်းပြီး ဇာတ်လမ်းတွဲတစ်ခုအဖြစ် ထုတ်လုပ်သွားဖို့ပြင်ဆင်နေပါတယ်။ The Conjuring ဇာတ်လမ်းတွဲဟာ လက်ရှိမှာ ဇာတ်လမ်းပြင်ဆင်တည်ဆောက်ဆဲအနေအထားမှာသာရှိနေပြီး The Conjuring franchise ရဲ့ ထုတ်လုပ်သူ Peter Safren နဲ့ ထုတ်လုပ်သူ-ဒါရိုက်တာ James Wan ဟာ The Conjuring ဇာတ်လမ်းတွဲရဲ့ အမှုဆောင်ထုတ်လုပ်သူတွေအဖြစ် တာဝန်ယူထားကြပါတယ်။

◼ The Conjuring franchise ဟာ လက်တွေ့ဘဝမှာတကယ်ရှိခဲ့တဲ့ ပရလောကဆိုင်ရာကျွမ်းကျင်ပုဂ္ဂိုလ်တွေဖြစ်တဲ့ Ed နဲ့ Lorrane Warren တို့ လင်မယားအကြောင်း ဇာတ်အိမ်ဖွဲ့ရိုက်ကူးထားတာဖြစ်ပါတယ်။ The Conjuring, The Conjuring 2, The Conjuring: The Devil Made Me Do It: Annabelle, Annabelle: Creation, Annabelle Comes Home, The Nun နဲ့ The Curse of La Llorona ဆိုပြီး စုစုပေါင်း ၈ ကား ထွက်ရှိထားသလို The Nun 2 နဲ့ The Conjuring 4 တို့လည်း ထပ်မံထွက်ရှိလာဖို့ကျန်ပါသေးတယ်။

Ref: THR

McGarrett ရေးသည်။