Game of Thrones prequel series သစ်တစ်ခုကို HBO မှ တရားဝင်အတည်ပြုလာ

Game of Thrones prequel series သစ်တစ်ခုကို HBO မှ တရားဝင်အတည်ပြုလာ

Game of Thrones | ဧပြီ ၁၃၊ ၂၀၂၃။

◼ HBO ဟာ Game of Thrones Universe ကို House of the Dragon အပြင် နောက်ထပ် prequel series တစ်ခုနဲ့ ထပ်မံချဲ့ထွင်လိုက်ပြီဖြစ်ပါတယ်။

◼ ပရိသတ်တွေသီအိုရီထုတ်နေတဲ့ prequel series သီအိုရီတွေထဲက Dunk and Eggs ကို HBO က ဒီကနေ့ကျင်းပတဲ့ Warner Bros. Discovery ရဲ့ ရင်းနှီးမြှုပ်နှံသူများနဲ့စာနယ်ဇင်းဆိုင်ရာ သတင်းစာရှင်းလင်းပွဲမှာ တရားဝင်အတည်ပြုပေးလာတာဖြစ်ပါတယ်။

◼ Game of Thrones စာရေးဆရာ George R. R. Martin ရဲ့ Game of Thrones ဝတ္ထုတစ်အုပ်ဖြစ်တဲ့ Dunk and Eggs ကို HBO က A Knight of Seven Kingdoms: The Hedge Knight ဆိုတဲ့ prequel series အဖြစ် ထုတ်လုပ်သွားတော့မှာဖြစ်ပါတယ်။ A Knight of Seven Kingdoms: The Hedge Knight ဟာ House of the Dragon နောက်ပိုင်းကာလနဲ့ Game of Thrones မတိုင်မီ နှစ် ၉၀ ကာလကို ဇာတ်အိမ်ယူသွားမှာဖြစ်ပြီး Ser Duncan the Tall (Dunk) နဲ့ Aegon V Targaryen (Egg) တို့အကြောင်း ရိုက်ကူးပြသမှာပါ။ 

◼ A Knight of Seven Kingdoms: The Hedge Knight ကို George. R. R. Martin က ဇာတ်လမ်းရေးသားပေးမှာဖြစ်ပြီး အမှုဆောင်ထုတ်လုပ်သူနေရာတွေကိုတော့ House of the Dragon ရဲ့ showrunner Ryan Condal နဲ့ Vince Gerardis တို့က George. R. R. Martin နဲ့ Ira Parker တို့နဲ့အတူ တာဝန်ယူထားပါတယ်။

◼ A Knight of Seven Kingdoms: The Hedge Knight ကို Max မှာ ပြသမှာဖြစ်ပြီး ပြသရက်နဲ့အသေးစိတ်ကိုတော့မသိရသေးပါဘူး။

Ref: Variety

McGarrett ရေးသည်။