Final Destination 6 ထွက်ရှိမှာဖြစ်ကြောင်း Warner Bros. ထပ်မံအတည်ပြုလာ

Final Destination 6 ထွက်ရှိမှာဖြစ်ကြောင်း Warner Bros. ထပ်မံအတည်ပြုလာ

ဧပြီ ၂၆၊ ၂၀၂၃။

◼ Warner Bros. ရဲ့ နာမည်ကျော် horror franchise တစ်ခုဖြစ်တဲ့ Final Destination ဟာ စုစုပေါင်း ရုပ်ရှင်ငါးကားအထိထွက်ရှိထားပြီး ပရိသတ်တွေရဲ့အားပေးမှုကို အများအပြားရရှိထားပါတယ်။ Final Destination ရဲ့ ဇာတ်သဘောကတော့ သေခြင်းတရားကိုထင်မှတ်မထားတဲ့ပုံစံတွေနဲ့ကြုံရမယ့် လူငယ်တွေအကြောင်းကိုရိုက်ကူးထားတာပါ။

◼ Final Destination 5 ထွက်ရှိအပြီး ၁၂ နှစ်အကြာမှာတော့ Warner Bros. ဟာ ​ခြောက်ကားမြောက် Final Destination 6 ကို ထုတ်လုပ်ပြသဖို့ တရားဝင်အတည်ပြုလာခဲ့ပြီဖြစ်ပါတယ်။

◼ Final Destination 6 ထပ်မံထွက်ရှိမှာဖြစ်ကြောင်းကို Warner Bros. က ဧပြီ ၂၄ ကနေ ၂၇ အထိ ကျင်းပမယ့် CinemaCon 2023 မှာ တရားဝင်ထပ်မံအတည်ပြုလာခဲ့တာပါ။ အဆိုပါအတည်ပြုချက်အရ Final Destination 6 ကို Freaks ဒါရိုက်တာ Zach Lipovsky နဲ့ Adam B. Stein တို့က ရိုက်ကူးပေးမှာဖြစ်ပြီး ဇာတ်လမ်းကိုတော့ ၎င်းတို့နဲ့အတူ Spider-Man နဲ့ Fantastic Four ဒါရိုက်တာ Jon Watts က ပူးတွဲရေးသားပေးမှာဖြစ်ကြောင်း သိရပါတယ်။

◼ Final Destination 6 ထွက်ရှိမှာဖြစ်ကြောင်းကို ၂၀၁၉ မှာ ကြေညာခဲ့ဖူးသလို ဒါရိုက်တာ Zach Lipovsky နဲ့ Adam B. Stein တို့က ၂၀၂၂ ကတည်းက အတည်ပြုခဲ့ပြီးဖြစ်ပေမယ့်လည်း CinemaCon 2023 မှာတော့ Warner Bros. က ထပ်ဆင့်အတည်ပြုလာတာပါ။ မူလ Final Destination ရဲ့ မူရင်းဖန်တီးသူ Jeffrey Reddick ကတော့ Final Destination 6 ဟာ ယခင်ရုပ်ရှင်တွေနဲ့မတူကွဲပြားနေမှာဖြစ်ကြောင်း မှတ်ချက်ပြုခဲ့ပါသေးတယ်။

◼ ပြသရက်နဲ့ဇာတ်လမ်းအသေးစိတ်ကိုတော့မသိရသေးပါဘူး။

Ref: Collider

McGarrett ရေးသည်။