နာမည်ကျော် horror ရုပ်ရှင် Witchboard ကို remake ပြန်လည်ရိုက်ကူးသွားမယ်

နာမည်ကျော် horror ရုပ်ရှင် Witchboard ကို remake ပြန်လည်ရိုက်ကူးသွားမယ်

ဧပြီ ၂၊ ၂၀၂၃။

◼ ၁၉၈၆ ကထွက်ရှိခဲ့တဲ့ နာမည်ကျော် horror ရုပ်ရှင်တစ်ကားဖြစ်တဲ့ Witchboard ကို ဒါရိုက်တာ Chuck Russell က remake ပြန်လည်ရိုက်ကူးသွားတော့မှာဖြစ်ပါတယ်။

◼ ဒါရိုက်တာ Chuck Russell ဟာ John Travolta နဲ့ Bruce Willis တို့ရဲ့ Paradise City, Jim Carrey ရဲ့ The Mask, Robert Englund ရဲ့ A Nightmare on Elm Street: Dream Warriors နဲ့ The Rock ရဲ့ The Scorpion King တို့ကို ရိုက်ကူးခဲ့တဲ့ ဒါရိုက်တာတစ်ယောက်ဖြစ်ပါတယ်။

◼ Witchboard remake မှာ သရုပ်ဆောင် Jamie Campbell Bower က အဓိကနေရာကနေပါဝင်သရုပ်ဆောင်သွားမှာဖြစ်ကြောင်း Deadline သတင်းအရ သိရပါတယ်။ Jamie Campbell Bower ဟာ နာမည်ကြီး Netflix Series တစ်ခုဖြစ်တဲ့ Stranger Things မှာ Vecna အဖြစ် ပါဝင်ခဲ့ဖူးပါတယ်။

◼ Witchboard remake ကို ဒါရိုက်တာ Chuck Russell နဲ့ ဇာတ်ညွှန်းဆရာ Greg McKay တို့က ဇာတ်ညွှန်းရေးသားပေးမှာဖြစ်ပြီး လာမယ့် ၂၀၂၃ မေလထဲမှာ ကနေဒါနိုင်ငံ၊ မွန်ထရီရယ်မြို့နဲ့ အမေရိကန်နိုင်ငံ၊ နယူးအော်လင်းမြို့တို့မှာ ရိုက်ကူးရေးပြုလုပ်သွားမှာပါ။ ပြသရက်နဲ့ကျန်သရုပ်ဆောင်စာရင်းကိုတော့မသိရသေးပါဘူး။

◼ Witchboard ဟာ ၁၉၈၆ ရုပ်ရှင်အပြင် Witchboard 2: The Devil's Doorway နဲ့ Witchboard III: The Possession ဆိုပြီး sequel နှစ်ခု ထွက်ရှိထားပါသေးတယ်။

ပုံစာ - Jamie Campbell Bower အား Stranger Things မှ ဇာတ်ဝင်ခန်းတစ်ခုတွင်တွေ့ရစဥ်

Ref: Deadline

McGarrett ရေးသည်။