တောင်ကိုရီးယားအမျိုးသမီးသရုပ်ဆောင် Jung Chae-yull ကွယ်လွန်

တောင်ကိုရီးယားအမျိုးသမီးသရုပ်ဆောင် Jung Chae-yull ကွယ်လွန်

ဧပြီ ၁၃၊ ၂၀၂၃။

◼ ၂၀၂၀ တုန်းက ထွက်ရှိခဲ့တဲ့ KBS K-drama ဇာတ်လမ်းတွဲတစ်ခုဖြစ်တဲ့ Zombie Detective မှာ ရဲမေ Bae Yoon-mi အဖြစ် သရုပ်ဆောင်ခဲ့သူ Jung Chae-yull ဟာ ဧပြီ ၁၁၊ ၂၀၂၃ မှာ ကွယ်လွန်သွားခဲ့ပြီလို့ သိရပါတယ်။

◼ Jung Chae-yull ဟာ ကွယ်လွန်ချိန်မှာ အသက် ၂၆ နှစ်သာရှိသေးတာဖြစ်ပြီး အလောင်းကိုတော့ သူ့ရဲ့ နေအိမ်မှာပဲ တွေ့ရှိခဲ့ရတာပါ။ သေဆုံးရခြင်းရဲ့ အကြောင်းအရင်းကို တိတိကျကျမသိရှိရသေးသလို သက်ဆိုင်ရာတွေဘက်ကလည်း တစ်စုံတစ်ရာ ထုတ်ပြန်ထားခြင်းမရှိသေးပါဘူး။

◼ Jung Chae-yull ရဲ့ ကွယ်လွန်မှုကို သူ့ရဲ့ အနုပညာအေဂျင်စီဖြစ်တဲ့ Entertainment S က အတည်ပြုထားသလို မိသားစုရဲ့ သဘောထားအရ အသုဘကို အကျဥ်းရုံးလုပ်သွားမယ်လို့ သိရပါတယ်။

◼ Jung Chae-yull ဟာ အနုပညာလောကကို မော်ဒယ်ဘဝနဲ့ ၂၀၁၆ ခုနှစ်မှာ စတင် ဝင်ရောက်ခဲ့တာဖြစ်ပြီး ၂၀၁၈ ခုနှစ်မှာ ထွက်ရှိထားတဲ့ Deep ရုပ်ရှင်မှာလည်း ပါဝင်သရုပ်ဆောင်ထားပါသေးတယ်။

Ref: Internet

Loki ရေးသည်။