Lilo & Stitch live-action ရုပ်ရှင်အတွက် နောက်ထပ်သရုပ်ဆောင်တစ်ယောက်တွေ့ရှိလာ
ဧပြီ ၁၊ ၂၀၂၃။
◼ Disney ဟာ ၎င်းတို့ရဲ့ ၂၀၀၂ ထုတ် animation တစ်ခုဖြစ်တဲ့ Lilo & Stitch ကို live-action remake အဖြစ် ထုတ်လုပ်သွားတော့မှာဖြစ်ပါတယ်။
◼ အဲဒီ Lilo & Stitch live-action remake မှာ တက်သစ်စကလေးသရုပ်ဆောင်တစ်ယောက်ဖြစ်တဲ့ Maia Kealoha က Lilo နေရာကနေ ပါဝင်သွားမှာဖြစ်ပြီး The Hangover သုံးကားတွဲနဲ့ Puss in Boots သရုပ်ဆောင် Zach Galifianakis လည်း ပါဝင်သွားမှာဖြစ်ပါတယ်။ Stitch ကိုတော့ CGI အသုံးပြုပြီးဖန်တီးသွားဖွယ်ရှိပါတယ်။
◼ Lilo & Stitch live-action remake မှာ ပါဝင်လာမယ့် Lilo ရဲ့ အစ်မဖြစ်သူ Nani နေရာကို NCIS, Infamously in Love, On My Block နဲ့ West Michigan သရုပ်ဆောင် Sydney Elizabeth Audong ကနေ သရုပ်ဆောင်သွားမှာဖြစ်ကြောင်း The Hollywood Reporter သတင်းအရ သိရပါတယ်။
◼ Disney ဘက်ကတော့ ဒီအကြောင်းအရာနဲ့ပတ်သက်ပြီး တရားဝင်အတည်ပြုလာခြင်းမရှိသေးပါဘူး။
◼ Lilo & Stitch live-action remake ကို Disney+ မှာ ပြသမှာဖြစ်ပြီး အော်စကာဆန်ခါတင်ဒါရိုက်တာ Dean Fleischer Camp က တာဝန်ယူရိုက်ကူးပေးမှာဖြစ်သလို ဇာတ်ညွှန်းကိုတော့ Chris Kekaniokalani Bright က ရေးသားပေးသွားမှာပါ။
◼ Lilo & Stitch live-action remake ရဲ့ ပြသရက်ကိုတော့ မသိရသေးပါဘူး။
Ref: Deadline
McGarrett ရေးသည်။
0 Comments