Kang နေရာအတွက် သရုပ်ဆောင်အသစ် အစားထိုးရွေးချယ်မယ်လို့ သတင်းများထွက်ပေါ်

Kang နေရာအတွက် သရုပ်ဆောင်အသစ် အစားထိုးရွေးချယ်မယ်လို့ သတင်းများထွက်ပေါ်

ဧပြီ ၁၆၊ ၂၀၂၃။

◼ Disney နဲ့ Marvel Studios ဟာ MCU ရဲ့ Kang ဇာတ်ကောင်အတွက် Jonathan Majors အစား သရုပ်ဆောင်အသစ် အစားထိုးခေါ်ယူဖို့ ကြိုးစားနေတယ်လို့ သတင်းတွေ ကျယ်ကျယ်ပြန့်ပြန့် ထွက်ပေါ်လာနေပါတယ်။

◼ လက်ရှိမှာ Kang ဇာတ်ကောင်ကို Jonathan Majors က သရုပ်ဆောင်နေတာဖြစ်ပြီး ဒီဇာတ်ကောင်က Loki Series ထဲမှာ စတင်မိတ်ဆက်ထားပြီးတော့ မကြာသေးခင်ကမှ ထွက်ရှိထားတဲ့ Ant-Man and the Wasp: Quantumania မှာလည်းပဲ အဓိက နေရာကနေ ပါဝင်ထားတာလည်း ဖြစ်ပါတယ်။

◼ Jonathan Majors ဟာ ယခုနှစ် မတ်လပိုင်း လကုန်ခါနီးတုန်းက အမျိုးသမီးတစ်ယောက်အပေါ် လက်ရောက် အကြမ်းဖက်မှုနဲ့ ထိန်းသိမ်းခံခဲ့ရတာဖြစ်ပြီး သူ့ရဲ့ ရှေ့နေတွေဘက်ကတော့ Jonathan Majors ဟာ ဘယ်လိုအမှားမျိုးကိုမှ လုပ်မထားတာကြောင့် အပြစ်လုံးဝမရှိဘူးလို့ တုန့်ပြန်ထားပါတယ်။

◼ Marvel Studios ဟာ သူတို့ရွေးချယ်ထားတဲ့ သရုပ်ဆောင်တွေနဲ့ ပတ်သက်လာရင် အထိအခိုက်မခံပဲ ချက်ချင်းတုန့်ပြန်လေ့ရှိပြီး Ant-Man ထဲမှာ Dave နေရာကနေ ပါဝင်ခဲ့သူ T.I က sexual abuse လုပ်တယ်လို့ စွပ်စွဲခံရတဲ့ သတင်းတွေ ထွက်ပေါ်အပြီး T.I ကို Ant-Man ရုပ်ရှင်တွေကနေ ဖယ်ရှားခဲ့တဲ့ အဖြစ်အပျက်လည်း ရှိခဲ့ဖူးပါတယ်။

◼ ယခုထွက်ပေါ်နေတဲ့ "Kang နေရာအတွက် Jonathan Majors အစား တခြားသရုပ်ဆောင်နဲ့အစားထိုးသွားမယ်" ဆိုတဲ့ သတင်းကို Marvel Studios နဲ့ Disney တို့ဘက်က တရားဝင်အတည်ပြုထားခြင်းမရှိသေးပါဘူး။ သို့ပေမယ့် အကယ်၍ ရွေးချယ်ဖြစ်ခဲ့မယ်ဆိုရင်တော့ Snowfall ထဲက မင်းသား Damson Idris လို ပုံစံမျိုးကို ခေါ်ယူသွားနိုင်တယ်လို့ သိရပါတယ်။

Ref: The Direct

Loki ရေးသည်။