Netflix မှ Alexander the Great အကြောင်း docudrama series တစ်ခု ထုတ်လုပ်ရန်ပြင်ဆင်

Netflix မှ Alexander the Great အကြောင်း docudrama series တစ်ခု ထုတ်လုပ်ရန်ပြင်ဆင်

ဧပြီ ၁၂၊ ၂၀၂၃။

◼ Netflix ဟာ ၎င်းတို့ရဲ့ docudrama series တွေဖြစ်တဲ့ The Last Czars နဲ့ African Queens: Njinga တို့ အောင်မြင်သွားတဲ့နောက်မှာ ကမ္ဘာသမိုင်းမှာထင်ရှားခဲ့တဲ့ မက်ဆီဒိုးနီးယားစစ်ဘုရင် Alexander the Great အကြောင်း docudrama series တစ်ခု ထုတ်လုပ်ဖို့ပြင်ဆင်လာနေပါတယ်။

◼ Alexander the Great ဟာ အသက်သုံးဆယ်အရွယ်အထိ ဂရိဒေသကနေ အနောက်မြောက်အိန္ဒိယဒေသအထိနယ်ပယ်ချဲ့ထွင်နိုင်ခဲ့တဲ့ စစ်ဧကရာဇ်တစ်ပါးဖြစ်ပါတယ်။ Alexander the Great အကြောင်းကို စာပေနဲ့ရုပ်ရှင်တွေမှာ များစွာတင်ဆက်ထားသလို Colin Farrell, Angelina Jolie, Rosario Dawson, Anthony Hopkin, Val Kilmer နဲ့ Jared Leto တို့ရဲ့ ၂၀၀၄ ရုပ်ရှင် Alexander ဟာလည်း နာမည်ကြီးရုပ်ရှင်တစ်ကားဖြစ်ပါတယ်။

◼ Alexander the Great docudrama ဟာ documentary တစ်ပိုင်း၊ ဇာတ်ညွှန်းရေးသားဖန်တီးမှုတစ်ပိုင်း ပါဝင်သွားမယ့် နှစ်မျိုးစပ် ဇာတ်လမ်းတွဲတစ်ခုဖြစ်ပြီး မြောက်အာဖရိကဒေသ၊ မော်ရိုကိုနိုင်ငံမှာ ရိုက်ကူးရေးဝန်ထမ်းတစ်ရာကျော်နဲ့ ရိုက်ကူးရေးပြုလုပ်နေကြောင်း Deadline သတင်းအရသိရပါတယ်။

◼ ဗြိတိန် indie ကုမ္ပဏီတွေဖြစ်တဲ့ Tailfeather Productions နဲ့ Lion TV တို့က Alexander the Great ရဲ့ ထုတ်လုပ်မှုအပိုင်းကိုတာဝန်ယူထားတာဖြစ်ပြီး Showrunner နေရာကိုတော့ Tony Mitchell က တာဝန်ယူထားပါတယ်။

◼ ပြသရက်နဲ့အသေးစိတ်ကိုတော့မသိရသေးပါဘူး။

Photo: Wikipedia 

Ref: Deadline 

McGarrett ရေးသည်။