Paramount ရဲ့ A Quiet Place: Day One မှာ Lupita Nyong'o က အဓိကဇာတ်ကောင်ဖြစ်လာ

Paramount ရဲ့ A Quiet Place: Day One မှာ Lupita Nyong'o က အဓိကဇာတ်ကောင်ဖြစ်လာ

ဧပြီ ၂၈၊ ၂၀၂၃။

◼ Paramount ကုမ္ပဏီဟာ ၎င်းတို့ရဲ့နာမည်ကြီး horror ရုပ်ရှင်တွေဖြစ်တဲ့ A Quiet Place နဲ့ A Quiet Place: Part II တို့ အောင်မြင်သွားပြီးတဲ့နောက်မှာ A Quiet Place ကို Franchise တစ်ခုအဖြစ်တည်ဆောက်ဖို့ပြင်ဆင်ခဲ့ပြီဖြစ်ပါတယ်။ Paramount ဟာ A Quiet Place: Part III အပြင် A Quiet Place ရဲ့ spin-off ဖြစ်တဲ့ A Quiet Place:  Day One ကိုပါ ထုတ်လုပ်သွားတော့မှာပါ။

◼ A Quiet Place: Day One ကို ဒါရိုက်တာ Michael Sarnoski က တာဝန်ယူရိုက်ကူးပေးနေတာဖြစ်ပြီး ဇာတ်လမ်းကိုတော့ Michael Sarnoski နဲ့ အတူ Jeff Nichols ​က ပူးတွဲရေးသားထားပါတယ်။

◼ ဒီကနေ့ကျင်းပခဲ့တဲ့ CinemaCon 2023 မှာ Paramount က A Quiet Place: Day One နဲ့ ပတ်သက်တဲ့ teaser တစ်ပုဒ်ကို ပြသလာပါတယ်။ အဆိုပါ teaser အရ A Quiet Place: Day One ဟာ အမေရိကန်နိုင်ငံ၊ နယူးယောက်ခ်မြို့မှာ ဇာတ်အိမ်တည်မှာဖြစ်ပြီး Black Panther သရုပ်ဆောင် Lupita Nyong'o က အဓိကဇာတ်ကောင်ဖြစ်တဲ့ နယူးယောက်ခ်မြို့သူတစ်ယောက်အဖြစ် ပါဝင်ထားကြောင်းသိရပါတယ်။

◼ ဒါ့အပြင် A Quiet Place: Day One ရဲ့ ဇာတ်လမ်းဟာ A Quiet Place: Part II ရဲ့ ပထမနေ့မှာမှာဖြစ်တဲ့အဖြစ်အပျက်တွေကို ဇာတ်လမ်းတည်ထား​ထာဖြစ်ကြောင်း A Quiet Place ပထမနှစ်ကားရဲ့သရုပ်ဆောင်ဖြစ်သလို A Quiet Place: Day One ရဲ့ ထုတ်လုပ်သူလည်းဖြစ်တဲ့ John Krasinski က CinemaCon 2023 မှာ အတည်ပြုခဲ့ပါသေးတယ်။ 

◼ A Quiet Place: Day One ကို မတ် ၈၊ ၂၀၂၄ မှာ ရုံတင်ပြသမှာဖြစ်ပြီး Lupita Nyong'O နဲ့ အတူ Stranger Things သရုပ်ဆောင် Joseph Quinn, Jumanji နှစ်ကားက သရုပ်ဆောင် Alex Wolff နဲ့ American Horror Story နဲ့ Trueblood သရုပ်ဆောင် Denis O'Hare တို့ ပါဝင်သရုပ်ဆောင်သွားမှာဖြစ်ပါတယ်။

◼ A Quiet Place: Day One မှာ John Krasinski နဲ့ Emily Blunt တို့ ပါဝင်မှာမဟုတ်ပေမယ့်လည်း A Quiet Place: Part II က သရုပ်ဆောင် Djimon Hounsou ကို ပြန်လည်တွေ့မြင်ရမှာပါ။

◼ John Krasinski နဲ့ Emily Blunt တို့ရဲ့ A Quiet Place: Part III ကိုတော့ ၂၀၂၅ မှာ ပြသမှာဖြစ်ပြီး ပြသရက်အတိအကျနဲ့ အသေးစိတ်ကိုတော့မသိရသေးပါဘူး။

Ref: ComicBook

McGarrett ရေးသည်။