ဝေဖန်ရေးသမားတွေအကြိုက်တွေ့နေတဲ့ Peter Pan and Wendy live-action

ဝေဖန်ရေးသမားတွေအကြိုက်တွေ့နေတဲ့ Peter Pan and Wendy live-action

ဧပြီ ၂၈၊ ၂၀၂၃။

◼ ၁၉၁၁ ထုတ် Peter and Wendy ကို မှီငြမ်းရိုက်ကူးထားတဲ့ Disney ရဲ့ live-action remake ရုပ်ရှင်တစ်ကားဖြစ်တဲ့ Peter Pan and Wendy ဟာ ဒီကနေ့ ဧပြီ ၂၈ မှာပဲ Disney+ မှာ စတင်ပြသနေပြီဖြစ်ပါတယ်။

◼ Peter Pan, Wendy, Tinkerbell, Neverland စတဲ့ ဇာတ်ကောင်တွေဟာ ပရိသတ်အများစုနဲ့မစိမ်းနဲ့ ငယ်ဘဝဇာတ်ကောင်တွေဖြစ်ပေမယ့်လည်း အဲဒီဇာတ်ကောင်တွေကိုအသုံးပြုပြီး live-action remake ရိုက်ကူးထားတဲ့ Disney ရုပ်ရှင် Peter Pan and Wendy ဟာ trailer နဲ့ poster စတင်ထွက်ရှိချိန်ကတည်းက ပရိသတ်တွေရဲ့ဝေဖန်မှုတွေကို ရင်ဆိုင်နေရတာပါ။

◼ ဇာတ်ကောင်မလိုက်ဖက်မှုတွေရှိနေတယ်၊ လူမျိုးရေးကိုအသုံးချပြီးစီးပွားရှာနေတယ်လို့ ပရိသတ်တွေက ထောက်ပြနေပေမယ့်လည်း နိုင်ငံတကာက ဝေဖန်ရေးသမားတွေကတော့ Peter Pan and Wendy နဲ့ ပတ်သက်ပြီး ချီးကျူးထားကြပါတယ်။ 

◼ ဧပြီ ၂၈၊ ၂၀၂၃၊ မြန်မာစံတော်ချိန် ညနေ ၆နာရီ ၃၀ မိနစ်အထိ လေ့လာချက်အရ Peter Pan and Wendy ဟာ နိုင်ငံတကာရုပ်ရှင်ဆိုင်ရာဒေတာဘေ့စ်တစ်ခုဖြစ်တဲ့ Rotten Tomatoes မှာ Critics Score (Tomatometer) ၇၅ ရာခိုင်နှုန်း၊ Audience Score ၅၃ ရာခိုင်နှုန်း ရရှိထားပါတယ်။ Variety, Empire Magazine, IndieWire, The Hollywood Reporter, Deadline စတဲ့ ဟောလိဝုဒ်သတင်းဝက်ဘ်ဆိုက်တွေက ဝေဖန်ရေးသမားတွေကတော့ Peter Pan and Wendy နဲ့ ပတ်သက်ပြီး ချီးကျူးထားကြပါတယ်။

◼ တစ်ဖက်မှာလည်း Peter Pan and Wendy ဟာ နောက်ထပ် နိုင်ငံတကာရုပ်ရှင်ဆိုင်ရာဒေတာဘေ့စ်တစ်ခုဖြစ်တဲ့ IMDb မှာ 3.2/10 ရရှိထားပါတယ်။

◼ Peter Pan and Wendy ကို A Ghost Story နဲ့ The Green Knight ဒါရိုက်တာ David Lowery က ရိုက်ကူးထားတာဖြစ်ပြီး Alexander Molony က Peter Pan အဖြစ်၊ Ever Anderson က Wendy အဖြစ်၊ Yara Shahidi က Tinkerbell အဖြစ် နဲ့ မင်းသားကြီး Jude Law က Captain Hook အဖြစ် ပါဝင်ထားပါတယ်။ 

◼ Peter Pan and Wendy နဲ့ ပတ်သက်ပြီး Myanmar Varient Entertainment ဘက်က သုံးသပ်နိုင်ခြင်းမရှိသေးပါဘူး။

Ref: Internet

Sub-Zero ရေးသည်။