ဇာတ်ညွှန်းရေးပြီးသွားပြီဆိုတဲ့ The Sandman Season 2

ဇာတ်ညွှန်းရေးပြီးသွားပြီဆိုတဲ့ The Sandman Season 2

DC | ဧပြီ ၁၈၊ ၂၀၂၃။

◼ ၂၀၂၂ ထဲမှာ ပြသခဲ့တဲ့ Netflix ရဲ့ DC Series တစ်ခုဖြစ်တဲ့ The Sandman ဟာ အောင်မြင်မှုအများအပြားရခဲ့သလို နောက်ထပ် Season 2 လည်း ထပ်မံထွက်ရှိလာဦးမှာဖြစ်ပါတယ်။

◼ The Sandman Season 2 နဲ့ ပတ်သက်ပြီး နောက်ဆုံးရအ​​ခြေအနေကို The Sandman Comics နဲ့ Series ရဲ့ ဖန်တီးသူ Neil Gailmen က ၎င်းရဲ့ Tumblr စာမျက်နှာကနေတစ်ဆင့် ပရိသတ်တွေဆီကိုပြောပြလာပါတယ်။ Neil Gailmen ရဲ့ ပြောပြချက်အရ The Sandman Season 2 ဟာ ဇာတ်ညွှန်းရေးသားပြီးစီးပြီဖြစ်​ကာ ပထမဆုံးအပိုင်းကိုရိုက်ကူးဖို့အတွက် သရုပ်ဆောင်ရွေးချယ်ပြင်ဆင်ခြင်းများပြုလုပ်ပြီး ဆက်တင်တည်ဆောက်ရန်ဒီဇိုင်းဆွဲနေကြကြောင်း သိရပါတယ်။

◼ DC နဲ့ Vertigo Comics ရဲ့ The Sandman Comics ကို အခြေခံရိုက်ကူးထားတဲ့ The Sandman ဟာ ၂၀၂၂ မှာ ပရိသတ်စိတ်ဝင်စားမှုအများဆုံးရခဲ့တဲ့ ဇာတ်လမ်းတွဲတစ်ခုဖြစ်ပြီး Season 1 မှာ စုစုပေါင်း ၁၁ ပိုင်း ပါဝင်ထားပါတယ်။

◼ Season 2 ပြသရက်ကိုတော့ တရားဝင်အတည်ပြုပေးခြင်းမရှိသေးပါဘူး။

Ref: ComicBook

McGarrett ရေးသည်။