Sony Marvel ရုပ်ရှင်သစ် Venom 3 မှာ သရုပ်ဆောင်တစ်ယောက် ထပ်မံပါဝင်လာ

Sony Marvel ရုပ်ရှင်သစ် Venom 3 မှာ သရုပ်ဆောင်တစ်ယောက် ထပ်မံပါဝင်လာ

Marvel | ဧပြီ ၂၄၊ ၂၀၂၃။

◼  Sony ဟာ ၎င်းတို့ပိုင် Marvel ဇာတ်ကောင်တွေနဲ့ Universe တစ်ခုကို အခိုင်အမာတည်ဆောက်နေပါတယ်။ အဲဒီ Spider-Verse မှာ Venom, Venom: Let there be Carnage နဲ့ Morbius တို့ ထွက်ရှိထားပြီးဖြစ်သလို Kraven the Hunter, El Muerto, Madame Web နဲ့ Venom 3 တို့လည်း ထပ်မံထွက်ရှိဦးမှာပါ။

◼ ၃ ကားမြောက် Venom ရုပ်ရှင်သစ် Venom 3 မှာ နောက်ထပ်သရုပ်ဆောင်တစ်ယောက် ထပ်မံပါဝင်လာပြီဖြစ်ပါတယ်။ Apple TV ရဲ့ နာမည်ကျော်ဇာတ်လမ်းတွဲ Ted Lasso မှာ ပါဝင်ခဲ့တဲ့ သရုပ်ဆောင် Juno Temple ဟာ Venom 3 အတွက် ဆွေးနွေးစကားပြောနေပြီဖြစ်ကြောင်း The Hollywood Reporter သတင်းအရသိရပေမယ့်လည်း Venom 3 မှာ ဘယ်နေရာကနေပါဝင်မလဲဆိုတာကိုတော့မသိရသေးပါဘူး။ Juno Temple ဟာ The Dark Knight Rises မှာလည်း ပါဝင်ခဲ့ဖူးပါတယ်။

◼ Venom 3 ရဲ့ ဇာတ်ညွှန်းကို ယခင် Venom နှစ်ကားက ဇာတ်ညွှန်းဆရာမ Kelly Marcel က သရုပ်ဆောင် Tom Hardy နဲ့ အတူ ပူးတွဲရေးသားပေးမှာဖြစ်ပြီး ဒါရိုက်တာနေရာကိုလည်း Kelly Marcel ကပဲ တာဝန်ယူထားပါတယ်။ ဗြိတိန်ဇာတ်ညွှန်းဆရာမ Kelly Marcel ဟာ Dakota Johnson ရဲ့ Fifty Shades of Grey နဲ့ Emma Stone ရဲ့ Cruella တို့ကိုလည်း ဇာတ်ညွှန်းရေးသားပေးခဲ့ပါသေးတယ်။

◼ Venom ရုပ်ရှင်တွေဟာ Sony ပိုင် Marvel Spider-Verse ဆက်စပ်ဇာတ်ကောင် Eddie Brock ခေါ် Venom ဆိုတဲ့ anti-hero အ​ကြောင်း ရိုက်ကူးထားတာဖြစ်ပါတယ်။ Venom နဲ့ Venom: Let there be Carnage ဟာ ပရိသတ်အားပေးမှုကိုအတန်အသင့်သာရခဲ့တာဖြစ်ပါတယ်။

◼ Venom 3 ရဲ့ ပြသရက်ကိုတော့အသေးစိတ်မသိရသေးပါဘူး။

Ref: THR

McGarrett ရေးသည်။