Star Wars ရုပ်ရှင်သစ်မှာ Rey Skywalker အဖြစ် Daisy Ridley ပြန်လည်သရုပ်ဆောင်ဖွယ်ရှိနေ

Star Wars ရုပ်ရှင်သစ်မှာ Rey Skywalker အဖြစ် Daisy Ridley ပြန်လည်သရုပ်ဆောင်ဖွယ်ရှိနေ

Star Wars | ဧပြီ ၇၊ ၂၀၂၃။

◼ Skywalker Saga အပြီးမှာ Lucasfilm ဟာ နောက်ထပ် Star Wars ရုပ်ရှင်သစ်တစ်ကားကိုထပ်မံထုတ်လုပ်ဖို့ Lucasfilm ဥက္ကဌ Kathleen Kennedy က အတည်ပြုခဲ့ပါတယ်။ 

◼ အဲဒီ အသစ်ထွက်ရှိလာမယ့် Star Wars ရုပ်ရှင်သစ်ကို Marvel ဇာတ်လမ်းတွဲ Ms. Marvel ရဲ့ ဒါရိုက်တာတစ်ယောက်ဖြစ်တဲ့ Sharmeen Obaid-Chinoy က ဒါရိုက်တာနေရာကနေ တာဝန်ယူရိုက်ကူးမှာဖြစ်ပြီး ဇာတ်ညွှန်းကိုတော့ BBC ဇာတ်လမ်းတွဲ Peaky Blinders ရဲ့ ဇာတ်ညွှန်းဆရာ Steven Knight က ရေးသားပေးမှာဖြစ်ပါတယ်။

◼ ပါကစ္စတန်ဒါရိုက်တာ Sharmeen Obaid-Chinoy ဟာ Star Wars ရုပ်ရှင်တစ်ကားကိုရိုက်ကူးခွင့်ရခဲ့တဲ့ ပထမဆုံးအမျိုးသမီးဒါရိုက်တာတစ်ယောက်ဖြစ်လာတာပါ။

◼ လတ်တလောထွက်ရှိလာတဲ့သတင်းများအရ အဲဒီ Star Wars ရုပ်ရှင်သစ်မှာ ပြီးခဲ့တဲ့ Sequel Trilogy မှာပါဝင်လဲ့တဲ့ သရုပ်ဆောင် Daisy Ridley ရဲ့ Rey ဇာတ်ကောင်ကို ပြန်လည်အသုံးချဖွယ်ရှိနေပြီး Rey ကို အဓိကဇာတ်ကောင်နေရာကနေထားပြီး ရိုက်ကူးသွားနိုင်ကြောင်းနဲ့ Daisy Ridley နဲ့ ဆွေးနွေးစကား​ပြောဆိုနေကြောင်းသိရပါတယ်။ Variety သတင်းရဲ့ သတင်းတစ်ပုဒ်အရ အဲဒီ Star Wars ရုပ်ရှင်ဟာ Rey Skywalker တစ်ယောက် Jedi Master ဖြစ်လာပြီး သူ့ရဲ့ ကိုယ်ပိုင် Jedi အသင်းကို တည်ထောင်တဲ့အကြောင်းကို ဇာတ်အိမ်တည်ရိုက်ကူးသွားနိုင်ကြောင်း သိရပါတယ်။ 

◼ သို့ပေမယ့် Daisy Ridley, Disney နဲ့ Lucasfilm တို့ဘက်ကတော့ တရားဝင်အတည်ပြုခြင်းမရှိသေးပါဘူး။

◼ Rey ကို Star Wars Episode IX: The Rise of Skywalker မှာ Rey Skywalker ဆိုပြီး သတ်မှတ်လိုက်ကတည်းက Disney နဲ့ Lucasfilm ဟာ Star Wars ပရိသတ်တွေရဲ့အဆဲကို တနင့်တပိုးကြီးခံခဲ့ရပါသေးတယ်။

◼ Lucasfilm ဟာ Marvel Studios ဥက္ကဌ Kevin Feige ရဲ့ Star Wars ရုပ်ရှင်နဲ့ Wonder Woman ဒါရိုက်တာ Patty Jenkins ရဲ့ Star Wars ရုပ်ရှင် Rogue Squardon ကို ဖျက်သိမ်းခဲ့ပါသေးတယ်။

Ref: Variety

McGarrett ရေးသည်။