The Tomorrow War 2 အကြောင်း ဒါရိုက်တာ Chris McKay ဘာပြောလဲ

The Tomorrow War 2 အကြောင်း ဒါရိုက်တာ Chris McKay ဘာပြောလဲ

ဧပြီ ၁၁၊ ၂၀၂၃။

◼ ၂၀၂၁ က ထွက်ရှိခဲ့တဲ့ သရုပ်ဆောင် Chris Pratt ရဲ့ The Tomorrow War ဟာ ပရိသတ်တွေကြားမှာရေပန်းစားခဲ့သလို sequel ​ဖြစ်တဲ့ The Tomorrow War 2 လည်း ဆက်လက်ထွက်ရှိဦးမှာဖြစ်ပါတယ်။ သို့ပေမယ့် The Tomorrow War 2 နဲ့ ပတ်သက်ပြီး ဘယ်လိုအကြောင်းအရာကိုမှ တရားဝင်ထပ်မံအတည်ပြုခြင်းမရှိတဲ့အတွက် ပရိသတ်တွေက စိတ်ပူနေကြပါတယ်။ 

◼ The Tomorrow War ဒါရိုက်တာ Chris McKay ဘက်ကတော့ The Tomorrow War 2 နဲ့ ပတ်သက်ပြီး ဇာတ်လမ်းပြင်ဆင််တည်ဆောက်ဆဲအနေအထားမှာရှိနေကြောင်း အတည်ပြုလာခဲ့ပါတယ်။

◼ Chris McKay ဟာ သူ့ရဲ့ဒရာကူလာရုပ်ရှင် Renfield အတွက် Uproxxx ဝက်ဘ်ဆိုက်နဲ့ ပရိုမိုးရှင်းအင်တာဗျူးတစ်ခုမှာ The Tomorrow War 2 အတွက် ဇာတ်ညွှန်းတစ်ခုရေးသားနေကြောင်းကိုအတည်ပြုလာခဲ့တာပါ။ Chris McKay ဟာ The Tomorrow War ကို ရုံတင်ဖို့ရည်ရွယ်ထားပေမယ့် OTT စနစ်နဲ့သာပြသခွင့်ရခဲ့တဲ့အတွက် မတင်မကျဖြစ်ခဲ့ကြောင်း၊ ဒါပေမယ့် OTT မှာ ပြသခဲ့တဲ့အခါမှာ နိုင်ငံတကာပရိသတ်တွေရဲ့အားပေးမှုအများအပြားကိုရခဲ့တဲ့အတွက် အတွေ့အကြုံတစ်ခုရခဲ့ကြောင်း ကိုလည်း အဆိုပါအင်တာဗျူးမှာ ပြောခဲ့ပါသေးတယ်။

◼ The Tomorrow War 2 ဟာ ယခုအချိန်မှာ ကနဦးအဆင့်မှာသာရှိသေးကြောင်း အတည်ပြုနိုင်ခဲ့တာပါ။

◼ Sci-fi, thriller နဲ့ action အမျိုးအစားဖြစ်တဲ့ The Tomorrow War ဟာ စတင်ထွက်ရှိလာချိန်မှာ Netflix ရဲ့ Fear Street သုံးကားတွဲ၊ Disney+ ရဲ့ Black Widow နဲ့ Luca တို့ကို ကျော်တက်ပြီး ကြည့်ရှုမှုစံချိန်ချိုးခဲ့တာဖြစ်ပါတယ်။ ဒီလိုအောင်မြင်မှုတွေကြောင့် Skydance နဲ့ Amazon Prime Video ဘက်က The Tomorrow War 2 ကို ထုတ်လုပ်ဖို့အတွက် ပြင်ဆင်လာတာပါ။

◼ Chris Pratt ရဲ့ နောက်ထပ် Amazon Prime Video ပရောဂျက်တစ်ခုဖြစ်တဲ့ The Terminal List ဟာလည်း Season 2 နဲ့ spin-off series တစ်ခု ထွက်လာဦးမှာပါ။

Ref: Uproxxx

McGarrett ရေးသည်။