Andrew Garfield နဲ့ Daisy Edgar-Jones တို့ ပါဝင်သွားမယ့် ရုပ်ရှင်သစ် Vouyagers

Andrew Garfield နဲ့ Daisy Edgar-Jones တို့ ပါဝင်သွားမယ့် ရုပ်ရှင်သစ် Vouyagers

မေ ၆၊ ၂၀၂၃။

◼ နာမည်ကျော်သရုပ်ဆောင်တွေဖြစ်ကြတဲ့ Andrew Garfield နဲ့ Daisy Edgar-Jonesတို့ဟာ ဒါရိုက်တာ Sebastián Lelio ရဲ့ ‘Voyagers’ အမည်ရှိတဲ့ရုပ်ရှင်တစ်ကားမှာ အတူတူပါဝင်သရုပ်ဆောင်သွားမှာဖြစ်ပါတယ်။

◼ Voyagers မှာ ပါဝင်တဲ့ဇာတ်ကောင်တွေနဲ့လိုက်ဖက်မယ့် သရုပ်ဆောင်တွေကို နှစ်အတော်ကြာရှာခဲ့ပြီးတဲ့နောက်မှာတော့ Andrew Garfield နဲ့ Daisy Edgar-Jones တို့ ဟာ ဒီရုပ်ရှင်မှာ ပါဝင်သရုပ်ဆောင်ဖို့ဖြစ်လာခဲ့တာပါ။

◼ Vouyagers ဟာ ၁၉၇၇ Nasa ရဲ့ စမ်းသပ်မှုတွေအကြောင်းနဲ့ နက္ခတ္တဗေဒပညာရှင် Carl Sagan နဲ့ မှတ်တမ်းရုပ်ရှင်ထုတ်လုပ်သူနဲ့ ဒါရိုက်တာ Ann Druyan တို့ကြားက အချစ်ဇာတ်လမ်းကို ပုံဖော်ထားတာဖြစ်ပါတယ်။ Andrew Garfield က ဆုံးပါးသွားတဲ့ Carl Sagan နေရာကနေ သရုပ်ဆောင်မှာဖြစ်သလို Daisy Edgar-Jones ကတော့ Ann Druyan အဖြစ် ပါဝင်သွားမှာပါ။ ဇာတ်လမ်းကိုတော့ Ann Druyan နဲ့အတူ Lelio နဲ့ Jessica Goldberg တို့က ရေးသားထားပါတယ်။ ပြသရက်ကိုတော့မသိရသေးပါဘူး။ 

◼ Andrew Garfield နဲ့ Daisy Edgar-Jones ဟာ FX ရဲ့ Under the Banner of Heaven ဇာတ်လမ်းတွဲမှာလည်းအတူတူသရုပ်ဆောင်ဖူးကြပါတယ်။ ဒါ့အပြင် Andrew Garfield ဟာ သရုပ်ဆောင် Florence Pugh နဲ့ အတူ We Live in Time မှာလည်း သရုပ်ဆောင်လျက်ရှိပါတယ်။

Ref: Deadline

Harry ရေးသည်။