Anne Hathaway နဲ့ အချစ်ဇာတ်ဝင်ခန်းရိုက်ခွင့်ရတာ ကံကောင်းတယ်ဆိုတဲ့ Jake Gyllenhaal

Anne Hathaway နဲ့ အချစ်ဇာတ်ဝင်ခန်းရိုက်ခွင့်ရတာ ကံကောင်းတယ်ဆိုတဲ့ Jake Gyllenhaal 

မေ ၂၊ ၂၀၂၃။

◼ Brokeback Mountain, Nightcrawler,Love & Other Drugs စတဲ့ရုပ်ရှင်တွေမှာသရုပ်ဆောင်ထားပြီး နာမည်ကျော်မင်းသားတစ်လတ်ဖြစ်တဲ့ Jake Gyllenhaal ဟာ Brokeback Mountain ရုပ်ရှင်နဲ့ Love & Other Drugsရုပ်ရှင်တွေမှာ မင်းသမီး Anne Hathawayနဲ့ အိပ်ယာပေါ်ကအချစ်ဇာတ်ဝင်ခန်းကို နှစ်ကြိမ်ရိုက်ခွင့်ရတာဟာ သူ့အတွက်အလွန်ကံကောင်းတယ်လို့ ပြောလာပါတယ်။

◼ အဲလိုအမိုက်စားဇာတ်ဝင်ခန်းတွေမှာ မင်းသမီး Hathaway ဟာ သူနဲ့အတူစည်းချက်ညီညီသရုပ်ဆောင်ခဲ့တဲ့အတွက်လည်း ချီးကျုးထားပါသေးတယ်။

◼ Brokeback Mountain ရုပ်ရှင်မှာ အချစ်ဇာတ်ဝင်ခန်းကိုအတူတွဲရိုက်ပြီးတဲ့နောက်မှာ အလားတူအချစ်ဇာတ်ဝင်ခန်းများကို သူ(မ)နဲ့တွဲဖက်သရုပ်ဆောင်ရတာ သက်တောင့်သက်သာရှိလာကြောင်းလည်း Jake Gyllenhaal က ပြောလာပါတယ်။

◼ ဒီအ​ကြောင်းအရာကို Jake Gyllenhaal က Love & Other Drugs ရုပ်ရှင်ရဲ့သတင်းစာရှင်းလင်းပွဲမှာ "ကျွန်တော်ကံကောင်းပါတယ်။ Anne နဲ့အတူ Brokeback Mountain ရုပ်ရှင်မှာ အချစ်ဇာတ်ဝင်ခန်း(လိင်ဆက်ဆံခန်း)ရိုက်ကူးခဲ့ပြီးပြီးမို့ သိပ်စိတ်မပူတော့ပါဘူး။ သူနဲ့ကျွန်တော်နဲ့နှစ်ယောက်လုံးအလုပ်လုပ်ပုံနဲ့ပက်သက်ပြီးတော့ စည်းချက်တစ်ခုခုတော့ရှိတာပေါ့။ စာရေးတဲ့နေရာမှာလည်း စည်းချက်ရှိသလို အားကစားလုပ်တဲ့နေရာမှာလည်း စည်းချက်ရှိတယ်။ အဲလိုပဲ လိင်ဆက်ဆံတဲ့နေရာမှာလည်း စည်းချက်တစ်ခုတော့ရှိတာပေါ့။ ကျွန်တော်ကတော့ Anneနဲ့အိပ်ယာဝင်ဖို့(အချစ်ဇာတ်ဝင်ခန်းတွေရိုက်ဖို့) အကြံပေးပါတယ်။" ဆိုပြီးလည်းပြောခဲ့ပါသေးတယ်။

◼ မင်းသား Jake Gyllenhaal နဲ့ မင်းသမီး Anne Hathawayတို့ဟာBrokeback mountain နဲ့ Love & Other Drugs ရုပ်ရှင်တွေမှာ ချစ်သူတွေအဖြစ်အတူသရုပ်ဆောင်ခဲ့ကြတာပါ။

Ref: UNILAD

Harry ရေးသည်။