Bird Box ရဲ့ spin-off ရုပ်ရှင်သစ် Bird Box: Barcelona ကို ဇူလိုင်လမှာပြသမယ်

Bird Box ရဲ့ spin-off ရုပ်ရှင်သစ် Bird Box: Barcelona ကို ဇူလိုင်လမှာပြသမယ်

မေ ၉၊ ၂၀၂၃။

◼ ၂၀၁၈ က ထွက်ရှိခဲ့တဲ့ သရုပ်ဆောင် Sandra Bullock ရဲ့ Netflix horror ရုပ်ရှင် Bird Box ဟာ ပရိသတ်တွေကြားမှာအကြိုက်များခဲ့တဲ့ horror ရုပ်ရှင်တစ်ကားဖြစ်သလို စတင်ပြသတဲ့ ၇ ရက်အတွင်းမှာတင် ကြည့်ရှုမှုပမာဏ ၂၆ သန်းအထိ ရှိခဲ့ပါတယ်။

◼ Bird Box ဟာ စာရေးဆရာ Josh Malerman ရဲ့ ၂၀၁၄ ထုတ် ဝတ္ထုတစ်အုပ်ဖြစ်တဲ့ Bird Box ကို အခြေခံရိုက်ကူးထားတာဖြစ်ပြီး မြင်မိ ကြည့်မိရုံနဲ့တင်လူကိုရူးသွပ်​ကြောက်လန့်စေတဲ့သတ္တဝါတွေရဲ့တိုက်ခိုက်မှုအကြောင်းကို ပြသထားတာပါ။

◼ Bird Box ထွက်အပြီး ငါးနှစ်အကြာ ဒီကနေ့မှာတော့ Netflix ဟာ Bird Box ရဲ့ spin-off ရုပ်ရှင် Bird Box: Barcelona ထွက်ရှိလာမှာဖြစ်ကြောင်း တစ်မိနစ်စာ teaser clip တစ်ခုနဲ့ တရားဝင်အတည်ပြုလာခဲ့ပြီဖြစ်ပါတယ်။ အဲဒီ teaser clip အရ Bird Box: Barcelona ကို လာမယ့် ဇူလိုင် ၁၄၊ ၂၀၂၃ မှာ Netflix မှာ ပြသမှာဖြစ်ကြောင်းသိရပါတယ်။

◼ Bird Box: Barcelona ဟာ စပိန်နိုင်ငံမှာလည်း မြင်မိ ကြည့်မိရုံနဲ့တင်လူကိုရူးသွပ်​ကြောက်လန့်စေတဲ့သတ္တဝါတွေရဲ့တိုက်ခိုက်မှုတွေဖြစ်ပေါ်နေကြောင်းကိုပြသမှာဖြစ်ပါတယ်။ Bird Box: Barcelona ရဲ့ တရားဝင်ဇာတ်လမ်းအနှစ်ချုပ်အရ Sebastian ဟာ ၎င်းရဲ့သမီးငယ် Anna နဲ့ အတူ စပိန်နိုင်ငံမှာဖြစ်ပေါ်နေတဲ့တိုက်ခိုက်မှုတွေကိုရင်ဆိုင်ရမှာဖြစ်ကြောင်း သိရပါတယ်။

◼ Bird Box Barcelona ကို Alex နဲ့ David Pastor က ဇာတ်လမ်းနဲ့ဒါရိုက်တာနေရာတွေကနေ တာဝန်ယူထားတာဖြစ်ပြီး Barbarian သရုပ်ဆောင် Geornia Campbell, Babylon သရုပ်ဆောင် Diego Calva နဲ့ အတူ Alejandra Howard, Naila Schuberth, Patrick Criado, Celia Freijeiro, Lola Dueñas, Gonzalo de Castro, Michelle Jenner နဲ့ Leonardo Sbaraglia တို့ပါဝင်သွားကြမှာပါ။

ပုံစာ - Bird Box: Barcelona မှ ဇာတ်ဝင်ခန်းတစ်ခု

Ref: Netflix

Sub-Zero ရေးသည်။