အော်စကာရပြီးနောက်ပိုင်း အလုပ်မရှိဖြစ်နေတဲ့ သရုပ်ဆောင် Brendan Faraser

အော်စကာရပြီးနောက်ပိုင်း အလုပ်မရှိဖြစ်နေတဲ့ သရုပ်ဆောင် Brendan Faraser

မေ ၇၊ ၂၀၂၃။

◼ မိခင်ဖြစ်သူကွယ်လွန်မှု၊ ဇနီးသည်နဲ့ကွာရှင်းမှု၊ ကျန်းမာရေးကိစ္စတွေနဲ့ ကိုယ်ထိလက်ရောက်ကျူးလွန်တယ်လို့စွပ်စွဲခံရမှုတွေကြောင့် အသက် ၅၄ နှစ် အရွယ် သရုပ်ဆောင် Brendan Fraser ဟာ ကာလအတော်ကြာသည်အထိ ပိတ်ကားထက်မှာပျောက်ကွယ်နေခဲ့တာဖြစ်ပါတယ်။

◼ သို့ပေမယ့် ပြီးခဲ့တဲ့ ၂၀၂၃ မတ်လထဲမှာကျင်းပခဲ့တဲ့ ၉၅ ကြိမ်​မြောက် အော်စကာဆုပေးပွဲမှာ သရုပ်ဆောင် Brendan Fraser ဟာ ဒါရိုက်တာ Darren Aronofsky ရဲ့ The Whale ရုပ်ရှင်နဲ့ အကောင်းဆုံးအမျိုးသားဇာတ်ဆောင်ဆု အော်စကာဆုကိုရရှိခဲ့ပါတယ်။ 

◼ Brendan Fraser ဟာ အော်စကာဆုကိုရရှိခဲ့ပေမယ့်လည်း အော်စကာပွဲကျင်းပပြီးချိန်ကနေ လက်ရှိအချိန်အထိ အလုပ်မရှိဖြစ်နေကြောင်းသိရပါတယ်။

◼ မေ ၄ ရက်နေ့ကပြုလုပ်ခဲ့တဲ့ Greenwish နိုင်ငံတကာရုပ်ရှင်ပွဲတော်ရဲ့အဖွင့်စကားပြောအစီအစဥ်မှာ သတင်းထောက်တစ်ယောက်ရဲ့အမေးကြောင့် Brendan Fraser ဟာ လက်ရှိအချိန်မှာ ၎င်းကိုဘယ်နေရာကနေမှ လာရောက်ကမ်းလှမ်းတာမရှိသေးကြောင်း ပြန်လည်ဖြေဆိုလာပါတယ်။

◼ People သတင်းဌာနက သတင်းထောက်တစ်ဦးက Brendan Fraser ကို ၎င်းအနေနဲ့ အနာဂတ်မှာဘယ်လိုဇာတ်ကောင်မျိုးကိုသရုပ်ဆောင်ချင်လဲလို့မေးလာတဲ့အခါမှာ Brendan Fraser က "အခုချိန်အထိတော့ ကျွန်တော့်ကိုဘာမှကမ်းလှမ်းတာမျိုးမရှိသေးဘူးဗျ။ ကျွန်တော်အရမ်းပျင်းနေပြီ။" လို့ ဖြေလာခဲ့တာပါ။

◼ Brendan Fraser ဟာ ၉၀ ခုနှစ်ကာလတွေမှာရေပန်းစားခဲ့တဲ့သရုပ်ဆောင်တစ်ယောက်ဖြစ်သလို ယခုနှစ် အောက်တိုဘာ ၆၊ ၂၀၂၃ မှာ ရုံတင်ပြသမယ့် ဒါရိုက်တာ Martin Scorsese ရဲ့ Killers of the Flower Moon ရုပ်ရှင်မှာလည်း ပါဝင်သရုပ်ဆောင်ထားပါတယ်။

Ref: The Independent

McGarrett ရေးသည်။