Chris Hemsworth ရဲ့ Extraction 2 မှာ ၂၁ မိနစ်စာ one shot အက်ရှင်ခန်းတစ်ခုပါဝင်လာ

ပုံစာ - Extraction 2 မှ ဇာတ်ဝင်ခန်းတစ်ခု

Chris Hemsworth ရဲ့ Extraction 2 မှာ ၂၁ မိနစ်စာ one shot အက်ရှင်ခန်းတစ်ခုပါဝင်လာ

မေ ၁၆၊ ၂၀၂၃။

◼ သရုပ်ဆောင် Chris Hemsworth ရဲ့ Extraction sequel ရုပ်ရှင် Extraction 2 ဟာ လာမယ့် ဇွန် ၁၆၊ ၂၀၂၃ မှာ Netflix မှာ ပြသမှာဖြစ်ပါတယ်။

◼ Extraction ရုပ်ရှင်တွေရဲ့ထုတ်လုပ်သူ Joe Russo နဲ့ Anthony Russo တို့ရဲ့ တရားဝင် Instagram အကောင့်မှာ ပြီးခဲ့တဲ့နေ့က Extraction 2 ရဲ့ ပိုစတာသုံးပုံကိုမိတ်ဆက်ပြသလာရုံသာမက Extraction 2 မှာ ၂၁ မိနစ်စာ one shot အက်ရှင်ခန်းတစ်ခုပါဝင်လာမှာဖြစ်​ကြောင်း တရားဝင်အတည်ပြုလာခဲ့ပါတယ်။ (ကင်မရာတစ်လုံးတည်းဖြင့်ရိုက်ကူးပြီး ဖြတ်တောက်ခြင်းမပြုပဲဆက်တိုက်ပြသသောပြကွက်) မူလက Extraction 2 ရဲ့ one shot ဟာ ၁၄ မိနစ်သာရှိတယ်လို့သိရပေမယ့် Russo တွေရဲ့ အတည်ပြုချက်အရ နောက်ထပ် ၇ မိနစ် ပိုတိုးလာပြီဖြစ်ပါတယ်။

◼ Extraction 2 ဟာ ၂၀၁၉ ထုတ် Extraction ရဲ့ နောက်ဆက်တွဲရုပ်ရှင်ဖြစ်ပြီး Extraction မှာတော့ one shot အက်ရှင်ခန်းဟာ ၁၂ မိနစ်စာသာရှိခဲ့ပါတယ်။

◼ Extraction 2 ကို Joe Russo က ဇာတ်ညွှန်းရေးသားပေးထားတာဖြစ်ပြီး စာရေးဆရာ Andre Park ရဲ့ graphic novel တစ်အုပ်ကို အခြေခံရိုက်ကူးထားသလို Extraction ဒါရိုက်တာ Sam Hargrave ကပဲ တာဝန်ယူရိုက်ကူးထားပါတယ်။ ဇာတ်လမ်းသဘောကတော့ ဂျော်ဂျီယာဂန်းစတားတစ်ယောက်ရဲ့မိသားစုကို Tyler Rake တို့အဖွဲ့က ထောင်ကနေကယ်ထုတ်ရတဲ့အ​ကြောင်းကိုအ​ခြေတည်ထားပါတယ်။

◼ Extraction 2 မှာ Chris Hemsworth နဲ့ အတူ Golshifteh Farahani (Invasion, Extraction), Tornike Gogrichiani (Lumina), Adam Bessa (Extraction), Daniel Bernhardt (The Matrix Resurrections), Tinatin Dalakishvili (The Undeclared War), နဲ့ Olga Kurylenko (Black Widow, Treason) တို့ ပါဝင်ထားကြပါသေးတယ်။

Ref: Scree Culture

Sub-Zero ရေးသည်။