Deadpool မှာ အချစ်ခန်းရိုက်ရတာကိုမကြိုက်တဲ့ သရုပ်ဆောင် Morena Baccarin

ပုံစာ - Deadpool မှ ဇာတ်ဝင်ခန်းတစ်ခု

Deadpool မှာ အချစ်ခန်းရိုက်ရတာကိုမကြိုက်တဲ့ သရုပ်ဆောင် Morena Baccarin

မေ ၁၅၊ ၂၀၂၃။

◼ 20th Century Fox (ယခု Disney လက်အောက်ခံ 20th Century) ရဲ့ Marvel ရုပ်ရှင်နှစ်ကားဖြစ်တဲ့ Deadpool နဲ့ Deadpool 2 ဟာ ရလဒ်ကောင်းများစွာရရှိခဲ့သလို ယခုအခါမှာတော့ 20th Century နဲ့ Marvel Studios ပူးပေါင်းကာ MCU နဲ့ တိုက်ရိုက်ပတ်သက်မှုရှိတဲ့ Deadpool 3 ကို ဆက်လက်ထုတ်လုပ်သွားဦးမှာဖြစ်ပါတယ်။

◼ Deadpool ရုပ်ရှင်မှာ Vanessa အဖြစ် ပါဝင်ခဲ့တဲ့ သရုပ်ဆောင် Morena Baccarin ကတော့ Deadpool မှာ Ryan Renolds နဲ့အတူ အိပ်ယာထက်ကဇာတ်ဝင်ခန်းကို နှစ်ရက်ကြာရိုက်ကူးရတာကို သဘောကျနှစ်သက်မှုမရှိခဲ့ကြောင်း ပြောလာပါတယ်။ 

◼ ၄၃ နှစ်အရွယ် Morena Baccarin ဟာ ၄၆ နှစ်အရွယ် Ryan Renolds နဲ့ Deadpool ရုပ်ရှင်ရိုက်ကူးရတဲ့အတွေ့အကြုံတွေကို သဘောကျပေမယ့်လည်း အိပ်ယာထက်ကအချစ်ခန်းကို နှစ်ရက်ကြာရိုက်ကူးခဲ့ရတာကိုတော့ သဘောကျမှုမရှိခဲ့ကြောင်း ၂၀၁၇ ခုနှစ်က TV အစီအစဥ်တစ်ခုမှာပြောပြလာတာပါ။

◼ Deadpool ရဲ့ ပထမပိုင်းမှာ Ryan Renolds ရဲ့ Wade Wilson ဇာတ်ကောင်နဲ့ Morena Baccarin ရဲ့ Vanessa တို့ဟာ အားလပ်ရက်တွေမှာ အိပ်ယာပေါ်မှာချစ်ကြတဲ့အကြောင်းတွေကိုနေ့အလိုက်ပြသထားတဲ့ဇာတ်ဝင်ခန်းတွေကိုဆိုလိုတာဖြစ်ပါတယ်။

◼ အဲဒီဇာတ်ဝင်ခန်းတွေနဲ့ပတ်သက်ပြီး Ryan Renolds ဘက်ကလည်း ဒီဇာတ်ဝင်ခန်းတွေဟာ ၎င်းအတွက်ထူးဆန်းကာကြောင်တောင်တောင်ဖြစ်စေကြောင်း ၂၀၁၆ က The Fix နဲ့ အင်တာဗျူးတစ်ခုမှာပြောခဲ့ပါသေးတယ်။

◼ Deadpool 3 ဟာ Marvel Studios ရဲ့ MCU နဲ့ တိုက်ရိုက်ချိတ်ဆက်ရုံသာမက X-Men universe နဲ့လည်း ပတ်သက်မှုရှိသလို သရုပ်ဆောင် Hugh Jackman ရဲ့ Logan aka Wolverine ဇာတ်ကောင်ကိုလည်း တွေ့ရဦးမှာပါ။

◼ Deadpool 3 ကို Ryan Renolds ရဲ့ Free Guy ဒါရိုက်တာ Shawn Levi က ရိုက်ကူးပေးမှာဖြစ်ပြီး နိုဝင်ဘာ ၈၊ ၂၀၂၄ မှာ ရုံတင်ပြသမှာဖြစ်ပါတယ်။

Ref: Daily Mail UK

Sub-Zero ရေးသည်။