လာမယ့် ၇ လပိုင်းထဲမှာစတင်ပြသမယ့် Good Omens Season 2

လာမယ့် ၇ လပိုင်းထဲမှာစတင်ပြသမယ့် Good Omens Season 2

မေ ၁၂၊ ၂၀၂၃။

◼ နတ်သားနဲ့ စေတန်တို့ ပါဝင်တဲ့ ဇာတ်လမ်းမျိုး၊ ကမ္ဘာပျက်ကိန်းလို ရုပ်ရှင်မျိုးကိုမှ ကြိုက်နှစ်သက်တဲ့ ပရိသတ်တွေအတွက် သတင်းကောင်း တစ်ခုရှိပါတယ်။ အဲဒီသတင်းကောင်းကတော့ Amazon Prime Video ဇာတ်လမ်းတွဲ Good Omens ရဲ့ Season 2 ပြသမယ့် ရက်ကို အတည်ပြုလိုက်တဲ့ သတင်းပါ။ 

◼ ၂၀၁၉ မှာ စတင်ထုတ်လွှင့်ခဲ့တဲ့ Good Omens Season 1 ရဲ့ အဆက် Season 2 ကို ယခုနှစ် ၂၀၂၃နှစ်လယ်ပိုင်း၊ ဇူလိုင်လ ၂၈ ရက်နေ့မှာ စတင် ထုတ်လွှင့်ပြသတော့မှာဖြစ်ပါတယ်။ ပြသရက်နဲ့အတူ Season 2 အတွက် ပိုစတာတစ်ပုံကိုလည်း မိတ်ဆက်လာပါသေးတယ်။

◼ စတင်ထုတ်လွှင့်ချိန်တုန်းက အပိုင်း ၆ ပိုင်းပါရှိတဲ့ Good Omens ဇာတ်လမ်းတွဲ ဟာ Limited Series အဖြစ်သာ ပြသဖို့ရည်ရွယ်ထားပေမယ့်လည်း ပရိသတ်တွေရဲ့ မထင်ထားတဲ့ အပြုသဘောဆောင်တဲ့ အားပေးခြင်းတွေကို ပိုင်ဆိုင်ခဲ့တာကြောင့် Season 2 ထပ်မံထွက်ရှိဖို့ ပြင်ဆင်နေခဲ့တာကြာပါပြီ။

◼ ယခု Good Omens Season 2 မှာ ယခင် Season 1 တုန်းက ပါဝင်ခဲ့တဲ့ သရုပ်ဆောင်အဟောင်းတွေ ပြန်လည်ပါဝင်လာမှာဖြစ်ပြီး သရုပ်ဆောင် အသစ်တွေကိုလည်း ဒီဇာတ်လမ်းတွဲမှာ ပါဝင်ဖို့ ရွေးချယ်ထားတယ်လို့ သိရပါတယ်။

Ref: Amazon Prime Video

Loki ရေးသည်။