It ရဲ့ prequel ဇာတ်လမ်းတွဲ Welcome to Derry ရဲ့ first look တစ်ပုံထွက်လာ

It ရဲ့ prequel ဇာတ်လမ်းတွဲ Welcome to Derry ရဲ့ first look တစ်ပုံထွက်လာ

မေ ၈၊ ၂၀၂၃။

◼ It ရုပ်ရှင်နှစ်ကားနဲ့ တိုက်ရိုက်ဆက်စပ်မှုရှိတဲ့ prequel ဇာတ်လမ်းတွဲတစ်ခုဖြစ်တဲ့ Welcome to Derry ကို Warner Bros. နဲ့ HBO Max ဟာ စတင်ထုတ်လုပ်ဖို့ပြင်ဆင်နေပြီဖြစ်ပါတယ်။

◼ It ရဲ့ prequel ဇာတ်လမ်းတွဲ Welcome to Derry ဇာတ်လမ်းတွဲဟာ ဒါရိုက်တာ Andy Muschietti ရဲ့ It: Chapter 1 နဲ့ It: Chapter 2 မတိုင်ခင်က Derry မြို့မှာဖြစ်ပျက်ခဲ့တဲ့အဖြစ်အပျက်တွေကို အဓိကပြသမှာပါ။ 

◼ Welcome to Derry ကို Warner Bros. Television နဲ့ It ဒါရိုက်တာ Andy Muschietti အပါအဝင် Barbara Muschietti နဲ့ Jason Fuchs တို့က တာဝန်ယူထုတ်လုပ်ပြသမှာဖြစ်သလို Jason Fuchs ဟာ Welcome to Derry ရဲ့ ပထမဆုံးအပိုင်းကို ဇာတ်လမ်းဇာတ်ညွှန်းရေးသားမှာဖြစ်ပါတယ်။ 

◼ ဒီကနေ့မှာတော့ ဒါရိုက်တာ Andy Muschietti က Welcome to Derry ရဲ့ First Look တစ်ပုံကို ၎င်းရဲ့ Instagram ကနေ မိတ်ဆက်ပြသလာပါတယ်။ အဲဒီပုံမှာ မှန်တံခါးတစ်ချပ်ပါဝင်ပြီး မှန်ပေါ်မှာ "Clint Bowers, Chief of Police" လို့ ရေးသားထားပါတယ်။ Clint Bowers ဟာ It နှစ်ကားမှာ Losers တွေကို အနိုင်ကျင့်တဲ့ Henry Bower ရဲ့ ဘိုးဘေးတွေထဲကတစ်ယောက်ဖြစ်နိုင်ပါတယ်။ Clint Bowers အဖြစ် ဘယ်သူကသရုပ်ဆောင်ထားလဲဆိုတာကိုတော့ ပြသထားခြင်းမရှိပါဘူး။

◼ It ရဲ့ မူရင်းဝတ္ထုတွေမှာ Henry Bowers ရဲ့ အဖေ Butch Bowers ဟာ လယ်သမားတစ်ယောက်ဖြစ်ပေမယ့် Andy Muschietti ရဲ့ ရုပ်ရှင်တွေမှာတော့ Butch Bowers ဟာ ရဲဖြစ်နေပါတယ်။

◼ Welcome to Derry မှာ Taylour Paige, Jovan Adepo, James Remar နဲ့ Chris Chalk တို့ ပါဝင်သွားမှာဖြစ်ပါတယ်။ သို့ပေမယ့် Welcome to Derry မှာ သရုပ်ဆောင် Bill Skarsgård ရဲ့ Pennywise ဇာတ်ကောင်ကိုတော့ တွေ့ရမှာတော့မဟုတ်သလို ကျန်နေသေးတဲ့ အသေးစိတ်အချက်အလက်တွေကိုလည်းမသိရသေးပါဘူး။ 

Ref: Instagram

McGarrett ရေးသည်။