You Season 4 ရဲ့ audition ကနေ ထွက်ခဲ့တဲ့ သရုပ်ဆောင် Jameela Jamil

You Season 4 ရဲ့ audition ကနေ ထွက်ခဲ့တဲ့ သရုပ်ဆောင် Jameela Jamil

မေ ၈၊ ၂၀၂၃။

◼ She-Hulk: Attorney at Law သရုပ်ဆောင် Jameela Jamil ဟာ နာမည်ကျော်Netflix ဇာတ်လမ်းတွဲတစ်ခုဖြစ်တဲ့ You ရဲ့ Season 4 အတွက် audition ဝင်ခဲ့ပေမယ့်လည်း လိင်အသားပေးပြကွက်တွေကို ရိုက်ကူးရမှာမှန်းသိတဲ့အခါမှာ audition ကနေ ကျောခိုင်းခဲ့ပါတယ်။

◼ Jameela Jamil ဟာ ၎င်းဝင်ပြိုင်ထားတဲ့ You ရဲ့ Season 4 က ဇာတ်ကောင်ဟာ အလွန်အမင်းဆက်စီကျရမယ့်ဇာတ်ကောင်ဖြစ်ကြောင်းကိုသိလာတဲ့အခါမှာ ၎င်းအနေနဲ့ လိင်အသားပေးဆိုင်ရာပြကွက်တွေကို ရိုက်ကူးရာမှာ ရှက်တတ်တဲ့အတွက် audition ကနေ နှုတ်ထွက်ခဲ့ကြောင်း ပြီးခဲ့တဲ့ကြာသပတေးနေ့က ထုတ်လွှင့်ခဲ့တဲ့ Podcrushed podcast အစီအစဥ်ရဲ့အပိုင်းတစ်ခုမှာ ပြောပြလာတာပါ။

◼ Jameela Jamil ရဲ့ မှတ်ချက်အရ သူဟာ သူ audition ဝင်ပြိုင်ရမယ့်ဇာတ်ကောင်ရဲ့အကြောင်းကို audition မဝင်ခင်အထိ ကြိုတင်သိရှိခြင်းမရှိခဲ့ကြောင်း သိရပါတယ်။

◼ Jameela Jamil ရဲ့ She-Hulk: Attorney at Law ဟာ ပရိသတ်တွေကြားမှာ အငြင်းပွားစရာတွေပေါ်ပေါက်ခဲ့တဲ့ ဇာတ်လမ်းတွဲတစ်ခုဖြစ်ပါတယ်။

◼ You ဟာ လက်ရှိမှာ Season 4 ပြသထားပြီးဖြစ်သလို နောက်ထပ် Season 5 ထပ်မံထွက်ရှိလာဦးမှာဖြစ်ပြီး အသစ်ထွက်မယ့် Season 5 ဟာ Final Season ဖြစ်ပါတယ်။

Ref: THR

Sub-Zero ရေးသည်။